Ragnheiður Íslandsdóttir færir tíðindi frá London

Sófasett

2006-12-07T15:24:00.000Z

Þetta sófasett fékk ég gefins frá ókunnugum manni. Það borgar sig að fylgjast með smáauglýsingunum á mbl.is!

2006-12-02T13:12:00.000Z

Síðan að ég kom heim frá London hef ég búið í herberginu hennar Júlíu litlu systur. Allt mitt hafurtask hefur fengið að vera innan um dúkkur og dót 6 ára barnsins og ég fékk meira að segja lánað rúmið hennar og hún svaf á bedda við hlið mér. Semsagt ömurlegt ástand.

Eftir að hafa talað við Arnar og Brynjar frændur mína ákváðum við að finna okkur 4 herbergja íbúð saman. Við erum búin að fylgjast með leigulistanum, smáauglýsingum visir.is og mbl.is auk þess að spyrja vini og vandamenn um húsnæði miðsvæðis í höfuðborginni. Eftir mikla leit og vangaveltur fundum við eina sem hentaði okkur mjög vel í ofanleitinu, rétt hjá kringlunni. Við fórum að skoða og leist vel á og skrifuðum undir leigusamning við áttræðan mann sem á íbúðina. Það er annar maður sem býr í íbúðinni, og hann sættist á að afhenda okkur lyklana um 6 leytið 1.desember, daginn sem okkar leigusamningur tók gildi. Við höfðum gert við hann munnlegan samning um að hann mætti geyma hjá okkur sófasett og stofuborð og hillur framí apríl gegn því að við mættum hafa afnot af húsgögnunum. Við mættum á svæðið, ég með fullan jeppa af kössum og dóti, og með Júlíu litlu systur mína með mér. Þá kemur í ljós að maðurinn var alls ekkert byrjaður að flytja út, bækur, leirtau, dagblöð og fleira voru enn á sínum stað auk þess sem einhver pólverji sem maðurinn var að framleigja, bjó ennþá í íbúðinni. Pólverjinn fékk að vita það fyrir 2 dögum að hann ætti að flytja út og hafði ekki fundið sér neitt húsnæði. Pólverjinn talaði enga íslensku, og gamli maðurinn talaði enga ensku og æpti bara á hann á íslensku: "ÞETTA FÓLK ER AÐ FLYTJA INN, ÞÚ VERÐUR AÐ FARA".

Þegar við spurðum gamla manninn hvort hann ætlaði ekki að pakka niður dótinu sínu, og buðum honum að hafa helgina þá sagði hann bara nei, ég fer héðan í kvöld, af því að hann hefur ekki efni á að borga leiguna lengur. Hann ætlaði s.s. aldrei að "flytja" út, setti bara sæng og föt í svartan ruslapoka og bauð okkur svo inn að þrífa. Leigusalinn er því miður staddur í austurríki og kemur ekki heim fyrr en í næstu viku þannig að við verðum að gjöra svo vel og bíða.

Við sögðum nei takk og bless og núna er allt mitt dót í kössum heima hjá arnari og brynjari í fellsmúlanum og ég hef næturstað á kóngsbakkanum hjá mömmu og pabba. Prófin mín hefjast eftir 9 daga og lærdómurinn er því miður það síðasta sem ég er að hugsa um þessa dagana.

Eeeeeendilega ef einhver veit um 4 herbergja íbúð miðsvæðis í reykjavík látiði mig vita!!!

Er ég lík þeim?

2006-11-28T00:10:00.000Z

Heathrow - Keflavik 21.11.2006

2006-11-16T12:04:00.000Z

Ég lendi klukkan 4. Er ekki einhver sem nennir að taka smá rúnt til Keflavíkur og sækja mig og fá smá fríhafnarnammi og faðmlag í staðinn??

Einnig vil ég auglýsa eftir fólki til að kíkja með mér á þorrablót Íslendingafélagsins í London, sem verður haldið 3 febrúar 2007. Ég er búin að bóka miðann minn og ætla að heimsækja Londonbúana, hver býður sig fram í að vera ferðafélagi??

Remembrance Sunday

2006-11-12T18:14:00.000Z

Á þessum tíma árs má iðulega sjá fólk með rauðar "paper-poppies" nældar í barminn. Þessi pappírsblóm kaupir fólk til að minnast þeirra sem hafa látið lífið við í stríði og átökum fyrir breska heimsveldið. Enska biskupakirkjan hefur meira að segja innleitt þennan sið inní kirkjuárið sitt síðan í fyrri heimstyrjöldinni og hafa nú svokallaða "remembrance sunday" messu á þeim sunnudegi sem fellur næst 11.nóvember.

Í dag fór ég í remembrance sunday messu í St. Johns uppí Notting Hill. Enski kórinn sem ég er í var að syngja "Requiem" eftir Gabriel Fauré og ég fékk að syngja sólóið, "Pie Jesu". Það var gaman og gekk mjög vel. Ég flaskaði því miður á að taka það uppá vídjó, þannig að mamma mín, eyru þín verða að bíða heimkomu minnar til að hlusta. Pabbi hinsvegar var í London í síðustu viku og náði að koma á generalprufuna þannig að hann fékk að heyra :) Eftir messuna fórum við íslensku krakkarnir í kórnum og íslenska fólkið sem kom að hlusta og fengum okkur hádegismat og höfðum það notalegt saman. Ó ég á eftir að sakna þeirra allra alveg agalega mikið!

Þessa dagana er ég bara að pakka og kveðja og reyna að sortera húsnæðismálin mín heima á Íslandi. Ég er a.m.k. komin með vinnu á leikskólanum Kópasteini í kópavogi í jólafríinu þannig að ég ætti að eiga einhvern vasapening! :) Jæja, hlakka ýkt súper mikið æði til að hitta alla heima, MERKIÐI VIÐ 21. NÓVEMBER Á DAGATALINU, þá kemur íslandsdóttir heim!

ragga

Home sweet home

2006-11-08T10:01:00.000Z

Ég flyt aftur heim á klakann þriðjudaginn 21. nóvember. Eins gott að það verði einhverjir blómvendir á fagnaðartár í Leifsstöð handa mér!

Ragga

p.s. ef einhver veit um litla íbúð nálægt HÍ, þá er ég reyklaus og reglusamur leigjandi!

Evropa

2006-10-05T20:41:00.000Z

create your personalized map of europe

Þetta er kort af Evrópu. Ég hef ferðast til allra þeirra landa sem eru lituð rauð á myndinni. Ég elska Evrópu. Ég vonast til að eyða miklum tíma í Evrópu í framtíðinni. Endir.

Busy Bee

2006-09-25T11:00:00.000Z

Afsakið bloggbiðina.

Ég er byrjuð í háskóla. Ég innritaði mig í fjarnám í ensku við Háskóla Íslands, sem er kannski svolítið að sækja vatnið yfir lækinn, þar sem ég bý í London. Ég held reyndar að þetta hafi verið afar vel til fundið, því þegar ég flyt aftur heim í vor (lok maí) þá get ég haldið beint áfram á annað ár í ensku, búið á stúdentagörðunum og haft það gott. Ég hef reyndar verið að gæla við þá hugmynd að fara í eina önn til Bandaríkjanna sem Erasmus skiptinemi á næsta ári, þá væri ég búin að kynnast lífinu í Bretlandi og Bandaríkjunum, auk þess sem ég er hrædd um að útþráarneistinn sé ekki alveg slokknaður ennþá. Námið er allavega mjög áhugavert, enskar bókmenntir, málvísindi, hljóðfræði, menningarsaga.. Kúl.

Annað í fréttum er að íslenski kórinn í Lundúnum er byrjaður á fullu aftur. Þar er alltaf gott fólk og gaman að vera, og ég fer alltaf með gleði í hjarta heim af æfingum. Í vor er planið að fara í kórferð til Kaupmannahafnar til að syngja á einhverju kóramóti, auk þess sem við ætlum að fara í minni kórferðir um England. Við vorum að syngja í Íslendingamessu í gær (ein af "skyldum" kórsins) og þar voru bæði sr. Karl Sigurbjörnsson biskup Íslands og Jón einhversson, biskup á Hólum í Hjaltadal. Megakúl.

Ég er, fyrir tilstilli Mary Poppins klúbbsins og míns indæla viðmóts, búin að kynnast ógrynni af fólki upp á síðkastið. Au-perurnar eru orðnar ansi margar og við erum dugleg að hittast og hafa það gaman saman. Mér finnst það mjög nauðsynlegt fyrir mig, og það er það eflaust fyrir hina líka, að eiga stórt tengslanet hérna úti, því að þetta er stór borg og auðvelt að týna sjálfum sér og sínu "ædentití". Þess vegna er gott að hitta aðra íslendinga heldur en bara fjölskylduna sem maður vinnur fyrir, því að þau eru auðvitað fyrst og fremst vinnuveitendur þínir, þó að ég t.d. eigi mjög náið samband við fjölskylduna sem ég er hjá. Ég ætla t.d. að eyða jólunum með þeim í ár, þó að ég hafi átt þess kost að fara heim. Ég hugsaði með mér, ég er búin að eiga 20 jól með foreldrum mínum og systkinum, af hverju ekki að prófa eitthvað annað? Ég kem hvorteðer heim um áramótin og verð fram í miðjan janúar þannig að ég hef nú ágætis tíma til að hitta ættingja og vini. Ég ætla að fara til Chamonix á skíði yfir jólin og borða besta jólamat í heimi á Hameau Albert, mmmm. Við fórum þangað tvisvar í fyrra, og ég held ég geti sagt að þeir tímar hafi verið highlights síðasta árs. Vakna kl. 7, klæða sig í skíðagallann, láta keyra sig uppí fjall í klossunum, taka kláfinn uppá topp, skíða um ranghala alpafjallanna fram að hádegismat. Borða grillaða dúfu, mjólkurfóðraðan kálf eða heilsteiktan albatrossa og fá sér svo smá blund. Fara aftur af stað uppí fjall kl 2, sviga, bruna og stökkva í sólskininu og halda svo aftur heim þegar brekkurnar loka. Fá sér smá sundsprett í sundlauginni eða hvíla lúin bein og þreytta vöðva í heita pottinum. Borða kvöldmat og horfa svo á sjónvarpið eða stjörnurnar í næturfrostinu. Himnesk jól. Megakúlíó.

london aftur

2006-09-04T16:13:00.000Z

Jæja. Ég er komin aftur til London og í dag var fyrsti skóladagur minn í Ensku við Háskóla Íslands. Fyrirlesturinn í almennum málvísindum kemur vonandi bráðum inná netið og þá get ég verið með í fjörinu. Annars er ég bara að fara að horfa á landsleik íslands á móti danmörku með Carinu dönsku vinkonu minni á miðvikudaginn. Við ætlum að fara á pöbb hérna í west kensington þar sem eitthvað um 40 danir verða samankomnir til að hvetja land sitt til dáða. Ég stekk bara ein öskrandi uppúr stólnum þegar ísland rústar þessum leik!

það er svo langt síðan að ég skrifaði síðast og ég hef svo margt að segja að það vex mér eiginlega bara í augum. því er víst best að segja sem minnst.

þangað til næst
hafiði það gott
ragga

Er þetta nu ekki einum of mikil græðgi??

2006-08-18T21:39:00.000Z

heathrow

2006-08-17T16:17:00.000Z

Ég er komin heim í stórborgarsæluna í London. Jeij. Flaug heim síðasta sunnudagskvöld, ansi stressandi að fara í gegnum alla öryggisgæsluna á heathrow. Vatnsflaskan mín var tekin af mér, og svo ætlaði flugfreyjan að taka af mér sólgleraugnaboxið mitt! Ég hélt nú ekki, og krafði hana svara!

Ég: Why?? It's not liquid and I can't make a bomb out of it!

Ítalska flugfreyjan: Why? Ehh.. uno momento...
(Fór og talaði við einhverja aðra konu)
Ehh, misúnderstanding, yes? Sorry, you can take it with you, vale?

Isss ég er viss um að hún ætlaði bara að stela sólgleraugunum mínum, meiri ósvífnin!

Italy

2006-08-09T08:58:00.000Z

Eg er a italiu. Grosseto heradi i Tuscany. Mjog gott vedur. Er ad worka tanid. Allir takkarnir a lyklabordinu eru a vitlausum stad thannig ad eg skrifa meira sidar.

EN ENDILEGA ALLIR AD SENDA MER MEIL OG SEGJA MER HVAD A YKKAR DAGA HEFUR DRIFID YFIR VERSLUNARMANNAHELGINA!!!!! Eg var sko med vestmannaeyjasting i hjartanu og hlustadi bara a Bubba, Salina, NyDonsk og lifid er yndislegt a ipodinum i solbadi. Veit eg segi thetta a hverju ari, en eg aetla potthett ad fara a naesta ari! Hver er geim?

2006-07-24T21:35:00.000Z

Jåg

Hér eru það þau Peter Jobäck og Myrra Malmberg sem fara á kostum sem Aladdín og Jasmín. Alveg ótrúlega fallega sungið og gaman að hlusta á þetta lag á öðru tungumáli :)

Hér er svo sænski textinn ef þið viljið syngja með! :)

Jag kan visa en värld;
vacker, bländande, härlig.
Säg om du ska vara ärlig,
har du drömt om den ibland?

Jag kan lära dig se
bortom magiska under,
oförglömliga stunder,
om du flyger bort med mig.

Jasmine:
En helt ny värld,
ifrån ett annat perspektiv.
Ingen bestämmer här,
Och ’var’ och ’när’
blir glömt högt ovan molnen

En helt ny värld
En plats jag inte visste fanns
Men här syns allting klart,
så underbart,
att vara här i en helt ny värld,
med dig

Aladdin:
Vara i en helt ny värld med dig

Jasmine:
Kan jag tro det jag ser?
Känslan är utan gränser.
Ofattbart det som känns här
I en himmel utan slut

En helt ny värld
Blunda inte, jag ber
Så mycket vi har kvar att se
Nej, försök hålla andan
Jag är en stjärnas sken,
på himlen
och jag kan inte återvända hem

Aladdin:
En helt ny värld
Överallt finns nåt nytt
Vi gör en upptäcktsfärd vi två
Varje stund är en önskan
Jag är en stjärnas sken,
på himlen
och jag kan inte återvända hem

Jasmine:
En helt ny värld
Överallt finns nåt nytt
Vi gör en upptäcktsfärd vi två
Varje stund är en önskan

Aladdin:
Och jag ska fånga den
Och spara den
Då väntar sen en helt ny värld,
med dig

Jasmine:
En helt ny värld

Aladdin:
En helt ny värld
Som öppnar sig

Jasmine:
Som öppnar sig
Ett drömpalats,

Aladdin:
En magisk plats

Both: För dig och mig

21.Júlí

2006-07-20T22:48:00.000Z

Klukkan er ellefu um kvöld. Aðeins einn tími til stefnu. Ég iða í skinninu. Ég iða meira að segja í fingrunum, svo mikið að ég á erfitt með að skrifa þessa litlu orðsendingu. Af öllum 365 dögum ársins er uppáhaldsdagur ársins að renna upp. Bara einn klukkutími eftir. Hvað ætli að ég fái? Ætli ég verði gerbreytt þegar klukkan slær tólf? Ætli það verði gott veður? Verður mojitobollan mín góð? Ætli einhver bjóði mér uppá drykk í bænum? Eða dans? Úúúúú!

Ó mig auma. Það er svo gaman að eiga afmæli!

Ísalandið hið góða

2006-07-12T13:34:00.000Z

Ég vaknaði í morgun og bölvaði sjálfri mér fyrir að hafa dreymt svona andstyggilegan draum. En hvað það er ljótt af undirmeðvitundinni að plata mig svona að ég sé á Íslandi. Ég sneri mér á hina hliðina og vafði sænginni þéttar utan um mig og harmaði örlög mín að vera ennþá í London. Ég náði að sofna aftur en var vakin hálftíma seinna við mjúkt faðmlag og blíð kærleiksorð í eyra. Júlía litla 6 ára systir mín var þá skriðin uppí til mín og loksins hristi ég af mér svefninn. Ég var þá á íslandi eftir allt saman!

Það er svo ljúft að vera komin heim að ég get því ekki með orðum lýst. Ég hef aldrei verið svona lengi úti í einu, hef ekki komið heim síðan í apríl, og heimþráin var farin að láta á sér kræla. Ég get ekki ímyndað mér hvernig fólk afber það að vera í útlöndum árum og áratugum saman. Til slíkrar dvalar eru rætur mínar of djúpt settar í landgrunni Íslands.

Brottför frá Keflavík verður hinn 3 ágúst. Þangað til vonast ég til að hitta sem flest ykkar og fara í eina útilegu eða sjö! :) Svo er afmælið mitt víst handan við hornið....

UTILEGA

2006-07-04T16:26:00.000Z

35°C hiti og rakt loftslag er ekki góð blanda. Síðustu dagar hafa verið alveg óbærilegir og svitastorknar andvökunæturnar orðnar ansi þreytandi. Þannig að ég ætla að koma heim á þriðjudaginn!!!!

Og nú er mér spurn. Hver vill koma með mér í útilegu um helgina 14-16? Ég er til í að fara hvert á land sem er, þess vegna bara í laugardalinn, ég get mögulega verið á bíl og ég bý til besta grillmat austan alpafjallanna!

Ég þrái að nátta í tjaldi í íslenska bjarta fallega góða yndislega sumrinu.

www.astro.com

2006-06-29T22:43:00.000Z

CAT STEVENS IS MY ASTROLOGICAL TWIN!!!!

Við erum bæði krabbar með rísandi meyju!

Við erum nú svoldið lík... Kannski maður ætti bara að fara að læra á gítar?

Framtidin

2006-06-20T18:54:00.000Z

Þann 8. júní síðastliðinn átti ég "afmæli". Þá var ég búin að dveljast í London í heilt ár. Ég held að við slík tímamót sé við hæfi að líta um öxl og líta yfir farinn veg. Og ég lofa að gera það í næstu færslu.

En í bili langar mig bara til að tilkynna það að ég hef ákveðið að dveljast í annað ár til viðbótar hérna í London hjá yndislegu fjölskyldunni minni.

Ég fékk að vita það í dag að ég fékk inngöngu í félagsvísindadeildi Háskóla Íslands, þannig að frá og með næsta hausti mun ég stunda fjarnám í ensku við HÍ. Það er ágætis plan finnst mér, þá fæ ég að halda áfram að leika mér í London en tek mér samt eiginlega bara eitt fríár frá námi.

Jæja, ég hef þetta ekki lengra í bili, mun setja inn eitthvað skemmtilegt á næstunni, myndir frá 17.júní, Brighton og fleiru skemmtilegu :)

p.s. er að fara að fljúga til osló á föstudaginn með fjölskyldunni, ætlum að keyra niður til gautaborgar og svo til köben og fara í tívolí! :) jeij!

Checklist

2006-06-08T20:25:00.000Z

- Bikiní
- Handklæði
- Strandarföt

- Djamm átfitt x 2
- Tvö skilríki (eitt til að skilja eftir í lobbýinu, eitt til að komast inn á staðina..)

- Frisbí
- Flugdreki
- Fótbolti

- Hringja í veðurstofu Bretlands og panta 30°C og sól. Check.

Hmm... ætli maður þurfi eitthvað fleira? Tja.. neiiii, ætli það nokkuð. Það er auðvitað hægt að kaupa bjór á ströndinni. Jájá, ég held að ég sé alveg góð.

...ó já.. gleymdi að segja ykkur eitt...

ÉG ER AÐ FARA TIL BRIGHTON MEÐ ERLU OG ERNU OG RITU!! :) JIBBÝ KÓLA! HÚRRA! VEIJ OG JEIJ!!

Veðrið

2006-06-06T15:52:00.000Z

Sumarið er loksins komið í London. Er búin að vera þrjá daga í röð stanslaust í sólbaði og er bara working up a good tan, þó ég segi sjálf frá! Í dag var 21°C og heiðskírt, og svona á veðrið að vera út vikuna. Á föstudaginn á hitinn að fara uppí 27°C, úff, ansi heitt fyrir mig klakabúann, en ætli maður láti sig ekki hafa þetta í pilsi, hlýrabol og með sólgleraugu! ;)

Vona að þið hafið það öll gott þarna á klakanum! Skrifa meira síðar :)

Sveitastjornarkosningar 2006

2006-05-28T11:54:00.000Z

Jæja, þá er það komið á hreint. Sjálfstæðisflokkurinn vann borgina. Án minna afskipta, engu að síður.

Ég gerði nefnilega heiðarlega tilraun til þess að kjósa. Ég mætti galvösk niður í sendiráð á miðvikudaginn, síðasta deginum sem utankjörstaða atkvæðum var lofað skilum. Sendiherrann átti leið um anddyrið þegar ég kom og veitti mér handaband og almennilegheit. Indælis kona á sjötugsaldri tók á móti mér inni í "kjörklefanum" (a.k.a. fundarherberginu) og lét mig fylla út heilan frumskóg af eyðublöðum. Ég vissi ekkert hvar ég átti að krassa og kvitta og fannst því ágætt að hafa konuna þarna til að leiðbeina mér. Þegar við vorum komin langleiðina með að bera ábyrgð á eyðingu Amazon sagði hún að nú myndi hún bregða sér fram og ég þyrfti að bjarga mér sjálf með afganginn, ég þyrfti bara að skrifa listabókstaf þess flokks sem ég vildi kjósa niður á hvíta snepilinn. Ég var bara eitt bros, agalega fullorðin að vera að kjósa í sveitarstjórnarkosningum á Íslandi, í útlöndum, og sagði að ég myndi bjarga mér!

Nema hvað, ég settist niður og gerði mig tilbúna til að veita mínum flokki byr undir báða vængi. Ég mun að sjálfsögðu ekki gefa það upp á þessum vettfangi hvaða flokk ég ætlaði að kjósa, en ég skal sko segja það að það var EKKI sjálfstæðisflokkurinn! Það kom mér því í opna skjöldu og þurrkaði brosið af smettinu á mér þegar ég gerði mér grein fyrir því að ég vissi ekki hvaða bókstaf flokkurinn minn bar! Svitaperlur spruttu fram á enninu og kaldur hrollur laumaðist niður hrygginn.. Ónei.. ókei, Framsókn er með F.. Já, nei takk, kýs hann nú ekki.. Sjálfstæðisflokkurinn er með D, fyrir Davíð.. Hmm.. ókei ég borða frekar atkvæðið mitt heldur en að skrifa það niður... Uuuuu....

Þegar hér var komið sögu var ég búin að sitja í 7-8 mínútur inní kjörklefanum, að hugsa málið, og aðrir kjósendur voru farnir að tjá hurðinni óþolinmæði sína og ég fór í panikk. Ég get ekki farið og spurt hvaða listabókstaf flokkurinn minn hefur?!!? Það er nú einum of kjánalegt. Ég skrifaði því stórum stöfum á snepilinn: D. Ég veit ekki af hverju. D frekar en F. En ég vildi ekki kjósa D!! Þegar fram var komið hjálpaði konan mér að setja alla pappírsvinnuna í stórt brúnt umslag og merkti það nafni mínu kirfilega í bak og fyrir. Því næst, mér til mikillar gleði, rétti hún mér umslagið og sagði mér að frímerkja það og skella því í póst. Ég tók gleði mína á ný, þakkaði henni kærlega fyrir aðstoðina, kastaði kveðju á sendiherrann og henti umslaginu í næstu ruslatunnu þegar út var komið.

Þetta var kosningasaga Ragnheiðar. Mamma og pabbi. Ekki vera vonsvikin. Ég er bara svona!

Studentsprof

2006-05-25T10:16:00.000Z

Þessi póstur er tileinkaður öllum þeim sem eru að halda útí lífið með stúdentsprófsskírteini í vasanum og glæstar vonir í kollinum. Ég man þegar ég var nú að klára þennan erfiða hjalla hérna fyrir rúmu ári síðan, ó mig auma, hversu tíminn líður!

En jæja, ekki meiri afataktar í bili, ég vildi bara nota þennan prýðisvettvang til að óska þeim Önnu Guðrúnu, Kareni og Birnu Dögg stórvinkonum mínum og afrekskonum, og Olgu frænku minni og dugnaðarforki, innilega til hamingju með að vera loksins búnar með Ghettóskólann í Breiðholti! Þar sem ég er ekki á landinu til að knúsa þær né færa þeim stúdentsgjöf (þeim til mikilla vonbrigða) sendi ég þeim hér með rafrænt knús og heillaóskir! Elsa rúsínubollan mín var líka að klára Menntaskólann í Reykjavík og ég sendi henni líka riiiiiiiiiiisa knús og áðurnefndar heillaóskir!

Hipp, hipp Húrra! Megi þær lengi lifa!

Eurovision

2006-05-21T15:02:00.000Z

Mér varð illt í maganum þegar við komumst ekki einu sinni uppúr undanúrslitunum. Ákvað þá að halda með finnunum, Lordi & co. Magaverkurinn hvarf í gær þegar Finnland vann Eurovision. Hipp hipp Húrra!

..ég er skápa júróvisjón nörd.

Party

2006-05-10T15:21:00.000Z

Eurovision partý þann 18.maí á O'Neills í shepherds bush. Næsta underground er shepherds bush á central line. Keppnin byrjar klukkan 20:00 þannig að það er ágætt að mæta sirka hálfátta á staðinn. Allir íslendingar og aðrir velunnarar íslenska framlagsins velkomnir!

Svo verður íslendingafélagið með eurovision partý á The Warwick laugardaginn 20. maí. Eins gott að við komumst áfram! :)

Endilega látiðið mig vita hvort þið komið, við þurfum nefnilega að láta vita hvað við verðum sirka mörg nokkrum dögum áður.

... og já... þema kvöldsins þann 18. er Silvía Nótt, þannig að takið fram glimmerið, pallíetturnar og netasokkabuxurnar!!

ég er kreisi i þetta lag!!!

2006-05-05T20:59:00.000Z

I remember when, I remember, I remember when I lost my mind
There was something so pleasant about that Phase.
Even your emotions had an echo
In so much space

And when you're out there
Without care,
Yeah, I was out of touch
But it wasn't because I didn't know enough
I just knew too much

Does that make me crazy
Does that make me crazy
Does that make me crazy
Possibly

And I hope that you are having the time of your life
But think twice, that's my only advice

Come on now, who do you, who do you, who do you, who do you think you are,
Ha ha ha bless your soul
You really think you're in control

Well, I think you're crazy
I think you're crazy
I think you're crazy
Just like me

My heroes had the heart to Lose their lives out on a limb
And all I remember is thinking, I want to be like them
Ever since I was little, ever since I was little it looked like fun
And it's no coincidence I've come
And I can die when I'm done

Maybe I'm crazy
Maybe you're crazy
Maybe we're crazy
Probably

..Og ýtiði hér ef þið fílið Gnarles Barkley!

Frettir fra Nordur Afriku

2006-04-30T10:47:00.000Z

Miðdegissólin skín sínu sjóðandi skærasta einmitt núna og ég er því að taka mér smá pásu á sólinni. Enda brenndist ég smá á enninu, sem er alveg hreint agalega kjánalegur staður til að brenna sig á. Sérstaklega af því að ég var með hatt fyrir andlitinu allan tímann í sólbaðinu í gær. En jæja..

Ég er með menningarsjokk hérna í Norður Afríku. Það er allt svo öðruvísi og háttalag múslimanna og umgengnisreglur þeirra eru mér mjög framandi. Sem betur fer var dresskóðakvíði minn ekki á rökum reistur, og við Silla göngum því um án sjals með bera leggi og hendur. En því verður ekki neitað að innfæddir stara ansi mikið á okkur fyrir vikið, enda teljumst við víst semíblondínur í þokkabót.

Í gær fórum við á hestbak á kameldýri í oasis í grenndinni. Fórum á markaðinn að kvöldlagi kvöldið áður og sáum snákatemjara (ég fékk slöngu um hálsinn!!), úlfaldabeikon og grillaða kindaheila. Svo fórum við í teppabúð þar sem við sáum fljúgandi teppi og drukkum mintute. Marokkóbúar setja sko mintu í allt! Ég er búin að smakka lambakjöt með mintu, alls kyns mintudrykki, mintuís og svo framvegis. Í teppabúðinni spurði teppasölumaður dauðans hversu marga úlfalda ég kostaði. Silla kom mér til bjargar með þeim orðum að ég væri "priceless". Þá hélt teppasölumaðurinn að ég væri einskis virði og furðaði sig á dónaskapnum í "mömmu" minni.

Jæja, ennisbruninn er að sjatna, best að drífa sig aftur útí sólbað!

London Underground

2006-04-26T16:32:00.000Z

Í dag var ég að keyra strákana í skólann. Þessi stutti bíltúr tekur yfirleitt um 30 mínútur með stoppum og rólegu aksturslagi. Í dag tók hann hinsvegar rúmlega 2 klukkutíma!

Lögreglan hafði nefnilega lokað af veginum hjá Shepherds bush stöðinni í báðar áttir, Holland Park road og fleiri götum í nágrenninu, einmitt leiðin sem ég fer alltaf með strákana í skólann. Bílar, hjól og jafnvel gangandi vegfarendur þurftu því að velja aðrar leiðir til að komast til sinna starfa.

Ég var auðvitað alveg brjáluð, enda fátt sem ég þoli eins illa og umferðarteppur. Ég hringdi í mömmu á Íslandi og bað hana að athuga á bbc.co.uk hvað væri í gangi og hvort ég gæti ekki alveg komist heim. Hún athugaði málið og sagði mér hvernig í öllu lá. Lögreglan hafði fundið 6 grunsamlega pakka og girtu því svæðið af á nóinu og kölluðu á sprengjusveitina. Svo seinna í dag kom það í ljós að einhver agalega frumleg listakona hafði komið þessum pökkum þarna fyrir af ásettu ráði. List, sko. Þetta er víst kallað innsetning og það var það sem þessi kona var að reyna að gera. Því miður fyrir hana þá hefur lögreglan handtekið hana og hún mun eflaust dúsa eitthvað inni fyrir að hafa ollið umferðarteppu í allri vestur London og kostað lögregluna mikinn tíma og peninga. Að konunni skuli hafa dottið þetta í hug eftir júlísprengingarnar og sífelldar lokanir í neðanjarðarlestinni vegna grunsamlegra pakka og pinkla.

List hvað?

Marokko

2006-04-25T09:59:00.000Z

Eftir langt og gott páskafrí í faðmi fjölskyldu og vina er ég komin aftur til London. Á meðan ég var á Íslandi blómstraði hvert strá og runni í London og vorið hóf innreið sína í borgina. Hérna er allt orðið iðagrænt og vorvindar blása, léttir og glaðir. Í dag er 11°C og spáin hljóðar uppá 14°C til 16°C út vikuna. Reyndar skiptir veðurspáin í London mig litlu máli því að ég er að fara aftur í ferðalag á fimmtudagsmorguninn. Í þetta skipti munum við fjölskyldan hætta okkur út fyrir endimörk Evrópu, og bregða fæti niður í Marrakech í Marokkó. Það er sko í svörtustu afríku fyrir þau ykkar sem það ekki vissuð!

Ég hef, í minni fávisku, verið að sanka að mér forláta sumarfötum upp á síðkastið, rósóttum kjólum, hlýrabolum, bikiníum, stuttbuxum, sandölum o.s.frv. Fyrir nokkrum dögum var mér tjáð að ég gæti eflaust lítið notað þennan fallega sumarklæðnað minn því að ég væri að fara inn á yfirráðasvæði múslima, og þar njóta konur ekki þeirra forréttinda að geta gengið í ermalausu og rósóttu. Ég verð því að gjöra svo vel að finna mér léttan fallegan sumarfatnað með ermum og skálmum, og gæta þess að hvergi sjáist í hold. Einnig neyðist ég til að kaupa mér slæðu (!) og binda hana kyrfilega um höfuð mitt, til þess að ég eigi ekki á hættu að karlmönnum Marrakech borgar misbjóði og geri mér grikk. Mér var tjáð að hlýði ég ekki þessum ábendingum, gætu menn tekið upp á því að hrækja á mig, sparka í mig og já, jafnvel lemja mig.

Og ég sem vildi bara komast í sólbað!

Slys a spilakvöldi

2006-04-17T21:07:00.000Z

Gleðilega páska allir saman.

Ég var með spilakvöld í gær, það var rosalega gaman. Reyndar var það svo gaman að ég var hlæjandi útí eitt allt kvöldið. Allur þessi hlátur dró því miður dilk á eftir sér því að núna er ég slösuð. Ég fann alltíeinu skarpan sting í síðunni en veitti því litla athygli og hélt uppteknum hætti og hló að óförum spilafélaga minna. Í lok kvöldsins sat ég kengbogin í stólnum mínum og varð þeirri stundu fegnust þegar ég náði að sofna þegar heim var komið. Í morgun vaknaði ég grátandi af kvölum og pabbi fór með mig uppá læknavakt. Nema hvað, læknirinn sagði að ég ætti bara að taka bólgueyðandi og slaka á næstu þrjár vikurnar, því að ég væri með BRÁKAÐ RIFBEIN OG TOGNUÐ Í ÖXLINNI!!!

Ég hef aldrei vitað annað eins. Hvað er næst? Fótbrot við skákiðkun? Slitin liðbönd í svefni? Nefbrot í sundi??

2006-04-16T13:56:00.000Z

Trivial Pursuit og Pictionary/Actionary bjóða í spilapartý í kvöld.

Gaman gaman!

jamm og jamm og ju

2006-04-10T20:21:00.000Z

Ég ætlaði að vera í London yfir páskana. Anna Samúelsdóttir ætlaði að koma í heimsókn til mín og borða páskaegg og anda að sér vorloftinu í London. En fljótt skipast veður í lofti sagði einhver einhverntímann. Ég kem því til Íslands á morgun og fer heim 23. apríl.

Ég held ég muni ekkert blogga mikið á næstunni, og nota því tækifærið og óska ykkur öllum góðra stunda yfir páskana.

Ski

2006-04-01T11:19:00.000Z

Lítil stúlka lagði af stað í leiðangur, léttur var hennar fótgangur, hún stefndi á að skíða rosa mikið, og ekki brenna á nefbroddinum eins og síðast.

Eftir þrjá tíma fer ég af stað í þriðju skíðaferð vetrarins, við fjölskyldan ætlum að sækja frakkland heim enn á ný, og skíða frá okkur allt vit. Þegar við komum aftur til London eftir viku, verður eflaust komið hlýtt vorveður, hitamælirinn í dag er í 15°C og kirsuberjatrén blómstra á hverju götuhorni. Flest tré eru orðin iðagræn og litlir vorlaukar blómstra uppúr moldinni. Sólin skín á borg og bæi og ég fékk fullt af freknum þegar ég var úti í gær.

Æ mig auma, hvað ég elska vorið.

Heyrumst eftir viku allir, hugs and kisses
Ragnheiður.

Dublin report

2006-03-30T13:59:00.000Z

Dublin var kreisí maður!!

Við Stína Fína Ballerína lögðum af stað um hálf5 á föstudegi með Mocha Frappuchino og handfarangur í lestina. Kristín litla orðljót byrjaði helgina vel með því að segja klúra brandara á ensku og fékk mig til að roðna niður í hársrætur! Og ég roðna nú ekki auðveldlega skal ég segja ykkur! Við hittum svo Láru kláru þegar við fórum úr lestinni og fórum með henni í Stansted Express. Það var líka mjög skemmtileg ferð, og ég held að ég fari nú alveg rétt með sannleikann þegar ég segi að við höfum hlegið alla lestarferðina, sem var 45 mínútur takk fyrir takk! Á stansted flugvellinum tjékkuðum við okkur inn og sáum þrengstu karlmannsgallabuxur sem fyrirfinnast í veröldinni! Þetta ætti að vera ólöglegt. Við sáum sko móta fyrir pakkanum og getum vottað það að hann var ekki í nærbuxum. Hrollur.

Flugferðin til Dublin tók ekki nema klukkutíma, og skemmti ég mér mjög vel með sætisfélögum mínum Láru og einhverjum breskum civil worker. Hann hafði versta fatasmekk sögunnar, en samt nokkuð skemmtilegan. Hann var s.s. í dökkrauðum buxum úr riffluðu flaueli, gulum bol og grænni hettupeysu. Hahha. Við áttum skemmtilegt samtal alveg þangað til að ég gerði þau mistök að þýða íslenskt alþýðuorð beint yfir á ensku, í von um bros. Hann sagðist að vinna fyrir ríkisstjórnina á skrifstofu. Svo sagði hann að það væri ekki mjög spennandi, að hann væri hálfgert möppudýr. Þá sagði ég: "Do you know what we call that in icelandic?? We call it a möppudýr, like a file animal!" Svo brosti ég mínu blíðasta og ætlaðist til að hann myndi gera slíkt hið sama. Neinei.. hann varð bara móðgaður og setti á sig snúð! Svo kom í ljós að hann hélt að ég hefði sagt FOUL animal (illa þefjandi dýr).. AHHAHA!!! Svo kom bara kaldhæðnisgusan á mig: "Your english is greeeeeat!" Hhaahahaha...

Við komuna á hótelið tók við okkur flöskukór, nokkrir meðlimir kórsins voru búin að mæla nákvæmlega vatn í flösku þannig að þau gátu blásið/spilað lagið Móðir mín í kví kví -LINK við mikinn fögnuð viðstaddra. Við sátum að sumbli og söng (með Irish coffe í hönd) frameftir kvöldi og fórum svo að sofa, enda var æfing í herberginu okkar Kristínar og Láru klukkan 11 daginn eftir. Eftir æfinguna fórum við inní bæ og fengum okkur að borða og hittumst svo öll uppí kirkju fyrir tónleikana okkar.

Tónleikarnir voru æðislegir, við fengum 3 íslenska einsöngvara með okkur og ég var með gæsahúð og tár í augum allan tímann. Reyndar var mjög kalt í kirkjunni, en hvað um það.. Það voru um 50 manns í kirkjunni og þeir stóðu á fætur og klöppuðu okkur heljarinnar lof í lófa eftir vel heppnaða tónleika.

Næst lá leiðin heim til foreldra Dominics, en þau buðu okkur upp á írskt lostæti, og guinness með að sjálfsögðu! Tvöfaldur regnbogi vakti mikla lukku meðal íslendinganna, sem voru allir hundvotir eftir mikinn rigningarskúr. Eftir að allir höfðu gætt sér á kræsingunum hertókum við stofuna og héldum, að hætti kórsins, píanópartý, þar sem íslenskir slagarar voru glamraðir og gaulaðir langt fram eftir kvöldi. Við Erla tókum trúnó með tópas flöskunni í stiganum, Krullurnar slógu sér saman og írsku gestirnir forðuðu sér úr píanópartýinu, eftir ansi stutta viðveru. Við skiptum liði stuttu eftir matarboðspartýið hans Dominics og við unga fólkið fórum á næturklúbb. Áður sáum við samt rosa hressan kall sem spilaði á harmonikku og söng, og hann var að gera góða hluti, kyssandi okkur stúlkurnar og neitaði að taka við ölmusunni okkar! Á næturklúbbnum sagði einhver DJ-inum að við værum frá Íslandi, og eftir það tileinkaði hann næstum hvert lag okkur "pretty girls from Iceland"
Hahah.. Eftir næturklúbbinn var haldið upp á hótel í herbergispartý og morgunmat í beinu framhaldi af því. Tjékkút var svo klukkan 12 þannig að þið getið rétt ímyndað ykkur hvað fólk var þreytt daginn eftir! Við Kristín náðum nú samt að rífa okkur upp og skoða bæinn í dagsbirtu, þræddum kaffihúsin í Dublin í sirka 7klukkutíma og héldum svo aftur upp á völl þar sem við sofnuðum í plaststólum að hlusta á sama i-podinn.

Þessi ferð var hrein snilld útígegn og ég hlakka til að sækja Dublin heim á ný! Hver vill koma með??? P.s. ef einhver varð ekki var við það þá eru nokkrir tenglar í textanum sem vísa á myndir og myndbönd úr ferðinni. :)

Dublin this weekend!

2006-03-24T12:15:00.000Z

Ég kom frá Íslandi á miðvikudaginn. Það var alveg hreint æðislegt á Íslandi og ég náði að gera ótrúlega margt og hitta þvílíkt margt fallegt og skemmtilegt fólk sem ég er búin að sakna. Ég efast um að ég hefði hitt svona marga vini mína á þessari viku þó ég væri búsett á Íslandi!

Ég byrjaði heimkomuna á að fara út að borða með systkinum pabba og börnum þeirra því að Magga frænka varð fimmtug daginn sem ég kom heim! Til hamingju elsku elsku Magga frænka! Við fórum á Ítalíu og eftir matinn drifum við okkur uppí Langholtskirkju þar sem Stebbi frændi, sonur Möggu, var að syngja einsöng á vorblóti fóstbræðra. Þau mæðginin áttu fallega stund þegar hann tileinkaði móður sinni eitt lagið sem hann söng. Við fremsta röðin í salnum vorum öll grátklökk á meðan á söngnum stóð, með mikla gleði í hjarta. Þegar á leið á tónleikana urðum við Hulda systir mín hinsvegar svolítið veikar í hnjánum, ef þið vitið hvað ég meina, þar sem við sátum beint fyrir framan bassana. Agalega eru þeir myndarlegir alltaf hreint. En jæja, nóg um það..

Á föstudeginum tjillaði ég með Sillu og strákunum niðri í bæ, fengum okkur gott að borða á litlu matstofunni og kíktum í dótabúðir, um kvöldið fór ég svo óboðin í afmæli til Halla söngfugls, sem bauð mig auðvitað hjartanlega velkomna þegar hann sá að ég var á landinu! Þar hitti ég fullt fullt af skemmtilegu fólki sem mér þykir vænt um, fullt af fólki sem var með mér í söngskólanum og öll Mr- klíkan. Töff töff töff. Ég átti rosalega fyndið you-had-to-be-there-samtal við eina stelpu. Svona hljómaði það:

Hún: Hey, ég kannast alveg rosalega mikið við þig..

Ég: Hmm.. já, hæ, ég heiti Ragnheiður (rétti fram höndina...)

Hún (kankvís á svip): Hah.. Hulda...

Ég: Já auðvitað, það er systir mín! (og hélt að þessvegna kannaðist hún við mig..)

Hún: Haa??

Ég: Hulda? Hún er sko yngri systir mín?

Hún: Ó. Jahá. ÉG heiti sko Hulda...

HAHAHAHAHAHAHAHHAHAHAHHAHAHAHAHAHAHHAHAHAHAHAH
mjög góður æsbreiker í partýi! haha

En já, svo gerði ég heilmikið fleira á Íslandi eins og að fara í sund, í keilu, til námsráðgjafa í HÍ, matarboð hjá Evu, árshátíð stærðfræðinema HÍ (ekki spurja..) og allskonar fleiri skemmtilega hluti! Takk elsku fólk fyrir að gera heimsóknina mína svona skemmtilega!!

Svo er ég bara að fara til Dublin núna klukkan hálf8 á eftir, með kórnum að halda tónleika. Tjékkiði á plakatinu HÉR!!!!!!

Ég veit þetta er ófrumlegt... en þetta eru skemmtilegar spurningar!!!

2006-03-20T18:01:00.000Z

Hefur þú:

(x) drukkið áfengi
(x) klesst bíl
( ) stolið bíl (foreldranna)
( ) verið ástfangin
(x) verið sagt upp af kærasta/kærustu
(x) faðmað einhvern ókunnugan
( ) verið rekin/n
( ) lent í slagsmálum
( ) læðst út meðan þú bjóst ennþá heima hjá foreldrunum.
(x) haft tilfinningar til einhvers sem endurgalt þær ekki
( ) verið handtekin/n
( ) farið á blint stefnumót
(x) logið að vini/vinkonu (Bara hvíta lygi)
(x) skrópað í skólanum (skamm Ragnheiður)
( ) horft á einhvern deyja
( ) farið til Canada
( ) farið til Mexico (nei, en er á leiðinni í maí!)
(x) ferðast í flugvél
( ) kveikt í þér viljandi (ha?? hver gerir það eiginlega??)
(x) borðað sushi (mmmm já, ITSU rokkar, ég er orðin háð sushi)
( ) farið á sjóskíði
(X) farið á skíði
(x) farið á tónleika
(x) tekið verkjalyf
(X) elskar einhvern eða saknar einhvers akkurat núna
(x) legið á bakinu úti og horft á skýin
(x) búið til snjóengil
(X) haldið kaffiboð
(x) flogið flugdreka (síðast á þjóðhátíð í vestmannaeyjum með aldísi.. fjör.)
(x) byggt sandkastala
(x) hoppað í pollum (geri það ennþá öðru hvoru)
(X) farið í "tískuleik" (dress up)
(X) hoppað í laufblaðahrúgu
(x) rennt þér á sleða
(X) grátið svo mikið að þér finnst þú aldrei ætla að hætta
(x) svindlað í leik (ég á við eitthvað vandamál að stríða.. er frekar tapsár..)
(x) verið einmana
(X) sofnað í vinnunni/skólanum (vaknaði einu sinni við hrotur í sjálfri mér í sögutíma..)
(X) notað falsað skilríki (skamm aftur.. en fyndin saga sem fylgir því.. um stjörnumerkin..)
(x) horft á sólarlagið
(x) fundið jarðskjálfta
( ) sofið undir berum himni
(x) verið kitluð/kitlaður
(X) verið rænd/rændur (stafræna myndavélin mín, sem var mín dýrasta eign!)
(x) verið misskilin/n (everyday man.. everyday.)
(x) klappað hreindýri/geit/kengúru (bara geit)
(X) farið yfir á rauðu ljósi/virt stöðvunaskyldu að vettugi (alltaf óvart!)
( ) verið rekin/n eða vísað úr skóla
(x) lent í bílslysi
(x) verið með spangir/góm
(x) liðið eins og þú passaðir ekki inn í/þriðja hjól undir vagni
( ) borðað líter af ís á einu kvöldi (en gæti það örugglega)
(x) fengið deja vu
(x) dansað í tunglskininu
(x) fundist þú líta vel út
( ) verið vitni að glæp
(x) efast um að hjartað segði þér rétt til
( ) verið gagntekin/n af post-it miðum (asnalegur liður)
(x) leikið þér berfætt/ur í drullunni
(x) verið týnd/ur (já, í lífinu. Líka einhverntíman þegar ég var lítil.)
(x) synt í sjónum
( ) fundist þú vera að deyja
(x) grátið þig í svefn
(x) farið í löggu og bófa leik
(x) litað nýlega með vaxlitum
(x) sungið í karaókí (biiiiig mistake)
( ) borgað fyrir máltíð eingöngu með smápeningum (aftur, asnalegur liður)
(x) gert eitthvað sem þú lofaðir sjálfri/sjálfum þér að gera ekki
(x) hringt símahrekk (gerði það oft með önnu samma, tómas bróðir hennar var snillingur í þessu..)
(x) hlegið þannig að gosið frussaðist út um nefið á þér
(x) stungið út tungunni til að ná snjókorni
(x) dansað í rigningunni
( ) skrifað bréf til jólasveinsins
( ) verið kysst/ur undir mistilteini
( ) horft á sólarupprásina með einhverjum sem þér þykir vænt um
(x) blásið sápukúlur
(x) kveikt bál á ströndinni (reyndar bara einnota grill í nauthólsvík, en við grilluðum sykurpúða!)
(x) komið óboðin/n í partý..
( ) verið beðin/n um að yfirgefa partýið sem þú komst óboðin/n í (hahah.. vona að það komi aldrei fyrir mig..)
(x) farið á rúlluskauta/línuskauta
(x) hefur einhver óska þinna ræst
( ) farið í fallhlífastökk
( ) hefur einhver haldið óvænt boð fyrir þig (nei hvað á það eiginlega að þýða?)

Umferðarraunir

2006-03-18T19:12:00.000Z

Það eru litlu hlutirnir sem gefa lífinu gildi, sagði vitur maður eitt sinn. En litlu hlutirnir geta líka verið einstaklega pirrandi.

Ég stóð sjálfa mig t.d. að alveg hreint ótrúlegri smámunasemi á beygjuakrein með stefnuljósið á fullu í fyrradag. Það var bíll á undan mér og ljósið hans blikkaði í takt við mitt. Hljóðið frá stefnuljósinu mínu hljómaði því á sama tíma og stefnuljósið hans blikkaði. Það færði mér frið í hjarta og ró í sál. En Eva var ekki lengi í paradís, því að hans stefnuljós var nokkrum sekúndubrotum hraðari en mitt og hrynjandinn varð því allur á ská og skjön. Ég slökkti því á stefnuljósinu (!) og kveikti á því aftur í takt við hans stefnuljós. Þar sem beygjuljósið logaði ansi lengi rautt, gerði ég þetta sirka 4-5 sinnum, að samstilla stefnuljósahljóðið mitt og stefnuljósið hans.

Kannast einhver við þetta? Eða er ég bara einhverf í bíl??

Tarot

2006-03-10T15:40:00.000Z

Síðasta sunnudag fór ég og lét leggja fyrir mig Tarot spil. Tarot konan keðjureykti allan tímann og hafði dregið svarta línu utan um augu sín eins og Egyptarnir til forna. Eflaust fannst henni það vera sannfærandi lúkk fyrir spákonu. Spákonan sagði ýmislegt merkilegt við mig, en tvennt fannst mér bera af.

1. "Your employer seems to be having a streak of bad luck at the moment??"
Það er svo sannarlega rétt! Fyrst klessukeyrði auperan þeirra bílinn þeirra. Svo keyptu þau tvo nýja. Dekkin á öðrum voru öll skorin með hníf 4 dögum eftir kaupin. Hinn var klessukeyrður þegar hann var kyrrstæður fyrir utan íbúðarhús. Svo sá au-peran þeirra mús í húsinu þeirra og nokkrum dögum seinna fannst ein dauð í forstofunni. Meindýraeyðirinn sagði að þetta yrði svona 3 vikur að ganga yfir. Svo smituðust börnin af lús úr leikskólanum. Og njálg. Ojjj. En það er sem betur fer gengið yfir. Hvílík óhappahrina! Þannig að tarotspákonan hafði rétt fyrir sér í þessum efnum. Hún sagði reyndar að "better times are coming with the moon eclipse on the 14th." Hitt atriðið sem hún sagði var:

2. "You are going to have sex this week."
Ég horfði á hana sljóum augum og hugsaði: "Ha?? Getur hún séð það í spilunum?? En vandræðalegt!" Enn sem komið er hefur spádómur tvö ekki ræst. En ég er að fara út að djamma með 10 öðrum auperum í kvöld og mun setja mig í örlaganna hendur. Haahahha. Djók. Engar áhyggjur mamma! ;)

Becauuuuuuseee... a spoonful of sugar makes the medicine go down! Mediciiineeee goo doooown, mediciine go down!!!

2006-03-10T14:38:00.000Z

Mary Poppins. Fyrirmynd allra ungra kvenna og au-pera. Við hefðum nú getað gert margt galnara en að stofna klúbb og skíra hann í höfuðið á Ms. Poppins. Ég veit ekki alveg hvað ég á að skrifa um klúbbinn okkar, þannig að ég ætla að gera hérna smá myndaseríu. Ef þið viljið skoða heimasíðuna okkar þá er hún: www.blog.central.is/marypoppins.

p.s. ég er að fara til íslands í hádeginu! call me you guys!

Mary Poppins

2006-03-06T22:31:00.000Z

Í London búa sirka 2000 Íslendingar samkvæmt nýjustu heimildum, og af þessum tvöþúsundkalli er alveg heil gomma af au-perum. Við sniðugu, uppátækjasömu og skemmtilegu au-perurnar sem erum búnar að kynnast hérna, erum þess vegna búnar að ákveða að stofna klúbb! Klúbb fyrir allar au-perur í London, og mun klúbburinn bera nafnið: "MARY POPPINS!!"

Síðasta föstudag fórum við á "stofnfunds-djamm" hérna uppí Notting Hill. Mættar voru: Ragnheiður, Kristín, Brynja (í anda, hún var því miður stödd í Brussel.), Erla, Erna, Rita, Þóra og Fríða. Einnig slógust í hópinn ofurhomminn Andrew, Ekki-Erlu-Gaurinn Andy, feiti klórikötturinn George og geðveiki kötturinn Mildred.

Við byrjuðum á McDonalds (ég reyndi að segja stelpunum að maður getur fengið malaríu af þessum ruslmat, en enginn hlustaði) og kíktum svo yfir á hverfispöbbinn á Holland Park Avenue. Þar var góð stemming, barþjónninn gaf mér blóm og allir urðu sótölvaðir á mettíma. Næst lá leiðin yfir í Shepherds Bush, þar sem við kíktum inná "póstkortabarinn", sem heitir reyndar því ótrúlega asnalega nafni, the Defectors Weld. Þar hitnaði heldur betur í kolunum því að við Erla tókum tölt um barinn og var tjáð að við værum eins og tvíburar! Það voru þeir Andy og Andrew, sem voru aldeilis hressir á kantinum. Andrew sagði við mig: "Gosh darling, you are so posh" og þar með var hann orðinn nýji hommavinur minn! We are like totally going out for drinks this week!! :) Ég er svo spennt að eiga hommavin!!!!

Eftir þetta skemmtilega skrall fórum við í "eftirpartý" heima hjá Andy, og þar kynntumst við tveimur, eh, áhugaverðum köttum, og fyndnasta klósetti í heimi (sjá fyrir neðan.) Eftir mikinn Håagen Dasz og Ben&Jerrys klukkan 3 um nótt, drifum við okkur heim að sofa, og daginn eftir fór ég að sjá Billy Elliott söngleikinn, sem kom mér til að gráta. Þrisvar. Og ég sem græt ekki einu sinni yfir sjónvarpinu! Eftir leikritið fórum við fjölskyldan á Sushi-barinn og fengum okkur kvöldmat, og ég verð að segja að þetta sushi dæmi er alveg að skora stig hjá mér. Þurfti smá tíma til að venjast hugmyndinni um að borða eitthvað óeldað, en núna? Voila, brava! Gimme some more, please!!

Ég held að þetta sé komið nóg núna í eina færslu, en ég mun skrifa meira bráðum um skemmtilega ferð til Tarot spákonu á sunnudaginn, og hvað hún sagði mér um öll óhöppin sem hafa verið að dynja á okkur hérna í Lower Addison Gardens. Stay Tuned next week! :)

Raggie

ÞETTA ER EKKI DJOK!!!

2006-03-01T21:21:00.000Z

Ég er á þessu myspace dóti, og fékk eitthvað message um daginn frá þessum manni, sem btw ég hef ekki hugmynd um hver er! Allavega, ég hló í fimm og hálfan klukkutíma að þessu, og er ennþá hlæjandi uppúr eins manns hljóði að þessu!!!

From: mounir

Date: Feb 6, 2006 1:45 PM Flag spam/abuse. [ ? ]
Subject: No Subject

how are you today ? what about your health and mind is every thing is oki .

without doubt, sometimes we use chatting to express our feeling to other but to be able to do it that will happen if two heart have the same.

many people live far from other far distance from continent to other and love exist and many and many live near and near other and that dont exist so that depend to heart .
so tell me about you name ? so do u like chocolate man or not i said that because u are blonnnd..:))

and if u have email in msn or yahoo gav eme too i have

Frönsku alparnir: Part II; Chamonix.

2006-02-27T13:15:00.000Z

Ég kom heim frá Frakklandi á laugardaginn. Það var alveg æðislegt. Fjöllin skörtuðu sínu fegursta, skrýdd púðursnjóslæðu. Og ég datt ekki nema þrisvar á heilli viku. Eitt skiptið rúllaði ég niður hálft fjallið, missti bæði skíðin mín og uppskar fallegan marblett á vinstra hnéð. Í annað skipti datt ég á jafnsléttu þegar ég var að bíða eftir kláfinum. Og í þriðja skiptið skíðaði ég á Ívar, 7 ára barnið sem ég er að passa og lét okkur bæði kútveltast niður hlíðina. Hann sagði að ég væri klessuvargur. Hahah.

Við vorum í heila viku í Chamonix í Frakklandi og veðrið lék við okkur allan tímann! Ég gleymdi að bera á mig sólvörn og brann á nefbroddinum, agalega sætt. Eða þannig. Er að fíla mig svoldið eins og Cindy Lou Who í the Grinch, sem er krónískt sólbrunnin á nefinu!

Við lentum um áttaleytið aftur í London og ég var auðvitað mætt galvösk á þorrablót íslendinga í London tveimur tímum síðar. Skreið svo heim í morgunsárið eftir ótrúlega skemmtilegt kvöld og eftirpartý. Á þorrablótinu var aldeilis dansað af sér rassinn við söng Páls Óskars og undirspil Miljónamæringanna, og auðvitað var dansaður Konga!! Eftir partýið fóru flestir af yngra liðinu heim til Ellu og Dominics sem höfðu tekið með sér tvo kassa af Reyka Vodka (sem var aðalstyrktaraðili kvöldsins og voru mjög svo rausnarlegir í vínveitingunum..) og buðu gestum og gangandi upp á vodkasjússa við gítarspil. Á svæðinu voru hvorki meira né minna en 3 gítarar og næstum því allur kórinn, auk annarra lagvissra einstaklinga, þannig að ég efast um að nágrannarnir hafi sofið mikið þessa nótt. Þetta kvöld var svoooo skemmtilegt að ég get ekki beðið eftir að fara með kórnum til Dublin í næsta mánuði, því ég er alveg viss um að sú ferð mun vera beint framhald af þessu partýi og fjörið mun halda áfram! Veivei!!!

Films by Ragnheidur Lilja

2006-02-15T13:50:00.000Z

Ég er á Íslandi, fer heim í fyrramálið, er lasin eins og er, algjör bömmer! Er samt búin að túrist-ast fullt í Reykjavík, fór í perluna, fékk mér morgunmat á Kaffitár, skoðaði Öskjuhlíðina, fór í Árbæjarlaugina, fór á skauta, gaf öndunum brauð.. þrisvar sinnum! Þannig að eins og þið sjáið hef ég ekki setið auðum höndum síðastliðna viku.. Nema í gær. Og í dag. Ég og Ívar litli erum nefnilega lasin, þannig að við neyddumst til að vera inni í þessari blíðu (lesist: óveðri) sem er búin að vera síðastliðna daga.

Ýtiði á þessa setningu og sjáiði hvað ég er búin að dunda mér við síðastliðna daga.. Alveg frábærir leikarar hér á ferð verð ég að segja. Og ég vil fá að þakka myndatökumanninum mínum honum Jafet fyrir að hjálpa mér við að skapa þetta listaverk! (Ég veit að ég á eftir að segja þetta allt saman aftur á næstu Edduverðlaunahátíð, en hann á nú svosem alveg skilið tvöfaldar þakkir!) Jafet ég elska þig!

Ýtiði líka á þessa setningu og sjáiði þetta.. Og þó að Jafet hafi einnig staðið sig vel við gerð þessa myndbands þá verð ég að fá að þakka Memerrehu fyrir snilldar leik sem undirförula stúlkan við tréð! Megi hún lengi lifa!

Til hamingju með fokkin valentinusardaginn

2006-02-15T00:56:00.000Z

Daginn í dag, daginn í dag
gerði drottinn guð, gerði drottinn guð,
gleðjast ég vil, gleðjast ég vil
og fagna þennan dag, fagna þennan dag..

Bíðiði nú hæg.. Hvenær skapaði Guð dag þar sem pörum og hjónum er gert hærra undir höfði heldur en öðrum? Hvenær skapaði Guð dag þar sem einhleypum er sópað útí horn og hírast í skugganum eins og skítugu börnin hennar Evu í Eden?? Hvenær skapaði Guð dag þar sem fólk þarf að fara á "Valentine's Day Group Date" og auglýsa stöðu ástarlífs síns?? Ég trúi varla öðru en að Guð hafi skapað þennan afkáralega dag seint á laugardagskvöldi, þegar hann var uppiskroppa með góðar hugmyndir og þurfti bráðnauðsynlega á hvíldardeginum að halda.

Ég setti saman mix disk fyrir Valentínusardaginn. It's goooood...

With or without you - U2
Kissing you - Desree
All you need is love - Bítlarnir
track 1 - Sigur Rós ()
November Rain - Guns and Roses
Wonderwall - Oasis
New Slang - Shins
I want you back - Jackson 5
More than words - Extreme
Iris - Goo goo dolls
Angel - Sarah McLachlan
Hallelujah - Jeff Buckley
Cry me a river - Justin Timberlake
Teardrop - Massive Attack
Into the west - Annie Lennox

Framtiðin

2006-02-08T22:07:00.000Z

Ég er að verða tuttugu og eins árs gömul. Frekar stór, finnst ykkur ekki?? En þrátt fyrir háan aldur og nokkur grá hár, er ég ekki alveg nógu klár. Hahah, þetta rímaði! En já, málið er, ég veit ekki hvað ég á að verða þegar ég verð stór! ..Eða s.s. stærri.

Og því spyr ég: Ef þið ímyndið ykkur Ragnheiði Lilju eftir 20-30 ár, hvar er hún stödd í lífinu?? Hvað á hún mörg börn, hvar á hún heima í veröldinni, á hún mann, eða tvo?? Og mikilvægasta spurningin af öllum... Hvað lærði hún í háskóla???

Skyggnilýsingarkomment eru sérstaklega vel þegin.

Takk takk,
Ragnheiður ráðvillta.

Good weekend

2006-02-06T13:57:00.000Z

Ég átti góða helgi. Kíkti til Brynju á laugardaginn þar sem fyrir var Þórhallur vinur hennar. Hann er fyndinn. Við horfðum á síðasta Eurovision þáttinn á Rúv á netinu og hlógum okkur máttlaus að Silvíu Nótt. Ég vona að hún taki þessa forkeppni næstu helgi. Það væri rosalega fyndið að senda hana. Ógeðslega fyndnir dansararnir hennar líka, þeir Hommi og Nammi. Hahaha. Smá skot á kynninn Garðar Cortes yngri þarna.. Eftir Eurovision og heimatilbúna Mojito hittum við nokkrar aðrar au-perur og skrölluðum með þeim uppí Camden. Þær höfðu óvart farið á sóðalegasta barinn í Camden en við björguðum þeim þaðan og fórum með þær á hinn afar smekklega og skemmtilega stað Barfly. Eftir að hafa dansað og duflað lengi lengi fórum við heim til Brynju og gistum þar. Við Kristín, Brynja og Þórhallur vorum ferlega dugleg að vakna um morguninn klukkan hálftíu, en við áttum að mæta uppí regents park klukkan ellefu til að spila fótbolta. Já. Ég sagði fótbolta!

Ástæðan fyrir því að við vorum að fara í fótbolta svona eldsnemma á sunnudagsmorgni var að við í kórnum höfðum skorað á íslenska fótboltafélaið Lundarnir í London. Ef að við ynnum myndu þeir bjóða okkur uppá bjór á nærliggjandi pöbb eftir leikinn, en ef þeir ynnu þá myndi allt liðið mæta á kóræfingu næsta þriðjudag! Auðvitað bjóst enginn við að kórinn myndi vinna, en þegar upp var staðið unnum við frækinn sigur á köppunum! Ég skoraði tvö mörk og fótbraut næstum því einn kall því ég sparkaði svo fast í sköflunginn á honum! Úff hvað ég get verið mikil bryðja í íþróttum!

Eftir leikinn fórum við á nærliggjandi bar og Lundarnir stóðu við sinn hluta af samkomulaginu og buðu okkur öllum upp á bjór. Þeir lofuðu nú reyndar líka að mæta á kóræfingu, við skulum sjá til á morgun hvort þeir standi við það! Eftir barinn löbbuðum við converse gengið (ég, brynja, kristín og þórhallur - öll í converse af brynju, djammskórnir voru ekki nógu góðir á gervigrasið..) ásamt þremur íslenskum gaurum sem búa í camden á annan pöbb og horfðum á fótboltaleik. Ég veit ekki hvaða lið voru að spila, því ég er ekki mikill fótboltabulla, en einn íslenski gaurinn hjálpaði mér að hafa gaman af leiknum með því að fylgjast með línuverðinum. Hann var ekki nema kannski svona 16 ára greyið og örugglega að línuvarðast í fyrsta skipti. Agalega stressaður, en ég er stolt af honum. Hann stóð sína pligt með sóma. Valhoppaði fram og til baka með gula fánann sinn og fylgdist vel með hreyfingum knattarins. En ég veit samt ekki alveg hver vann fótboltaleikinn, enda hafði ég engan áhuga á því. Ég held að maður þurfi að vinna sig upp í að verða fótboltabulla, þannig að það er ágætt að taka þetta svona í smáskömmtum. Fyrst tekur maður línuvörðinn, svo getur maður farið að fylgjast með dómurunum, svo kannski getur maður farið að fylgjast með fallegasta leikmanninum, og þarafleiðandi fundið sér lið til að halda með, og svo rúllar þetta allt svona áfram þangað til maður veit hversu mörg börn hver leikmaður á , hvað hann hefur spilað lengi með liðinu og hver uppáhalds liturinn hans er! Ta-ra! Mission accomplished!

Ragga.
football bully in the making.

Krass Bamm Bumm

2006-02-02T20:56:00.000Z

Ég lenti í árekstri í dag. Ég er svoldið traumatíseruð. Búin að titra í allan dag. Er samt ekki enn farin að skæla. Flóðgáttirnar opnast eflaust á morgun.

Pabbi hennar Evu sagði einu sinni: Það má laga blikkið ef það er í lagi með fólkið! Sem betur fer var í lagi með fólkið. Aumingja toyotan getur því miður ekki sagt hið sama.

Til hamingju Island?

2006-02-01T14:57:00.000Z

Ég hef ekki séð einn einasta þátt af Silvíu Nótt, og hef heyrt misjafnar sögur af þeim. Ég held samt að mér myndi finnast þetta alveg fyndið, allavega fannst mér fyndið það sem hún var að gera í skaupinu. En ég var að hlusta á lagið sem hún gerði með Þorvaldi Bjarna fyrir Eurovision, og ég veit ekki alveg hvað mér finnst. Á annan bóginn finnst mér ógeðslega fyndið að senda eitthvað svona allt öðruvísi og flippað og láta alla evróvisjón hommana fá hjartaáfall (eða þeir myndu kannski bara elska hana??). En svo er ég samt líka alltaf með lítinn vonarneista í hjarta mér að við munum einn daginn vinna þetta, og ég held að hann slokkni alveg ef að við sendum Silvíu Nótt. Hvað finnst ykkur?? Er þetta kúl?? Eigum við að senda hana?

hey þú
ógeðslega töff ég er að tala við þig
ég er silvia night shining in the light
ég veit þú þráir mig

born in reykjavík
hæfileikarík
ekkert landsbyggðarfrík

ég veit ég vinn fokkings úrslitin
öll hin lögin hafa tapað

til hamingju ísland með að ég fæddist hér
ég er silvía nótt og þið haldið með mér
eurovision nation fær sko flog er ég kem
ég er fædd til að vinn' etta, tremma í hel

töff töff töff

mitt lag, ógeðslega töff
ekkert næntísógeð
það er töff ókei
það er ekki gay
ég er komin hér to stay

hinar tíkurnar eru bólugrafnar
en ég er hrein mey
þið elskið mig
þið dýrkið mig
en samt er það svo glatað

viðlag

yeah yeah yeah

You are such a fine piece of meat! We should meet sometime!!

2006-01-29T22:29:00.000Z

Oj hvað ég fékk ljótt komment við síðustu færslunni minni! Endilega haldiði svona neikvæðum hugsunum fyrir ykkur sjálf. Annars nenni ég ekki að blogga lengur.

Ég var að kaupa mér mega súper dúper kúl dót. Ég fór á the Science museum með Brynju, Kristínu og Raquel í dag að sjá "Pure Iceland" sýninguna og við kíktum aðeins við í "The Gift Shop" eftirá. Ótrúlega flott dót sem fæst þar. Ég keypti svona klukku sem varpar tímanum með ljósgeisla á loft eða vegg. Og það skiptir litum! Þannig að núna þegar ég ligg uppí rúmi og horfi upp í loft þá sé ég tímann í öllum regnbogans litum! :) Ekki amalegt að vakna við það!

Pure Iceland sýningin var rosalega flott og gaman að sjá hversu margir mættu til að skoða sýninguna. Og ekki laust við að maður finndi til þjóðerniskenndarinnar góðu þegar maður heyrði útlendingana óa og æa við fegurð landsins. Ég fékk pínu heimþrá líka.. En hún verður fljótt læknuð því ég er að koma til Íslands eftir 2 vikur!! Veivei! Hlakka til að sjá ykkur krakkalakkar!

Raggie

P.s. titill færslunnar er smá gullmolabrandari sem kom undir í svefngalsa hjá mér og kristínu í síðasta sleepoveri.. hhaha svona er hann í fullri lengd:

I was just having some Meat for lunch and I thought of you. You know, because you are so beautiful, or as we say in Icelandic, Kjöööööööööööööööööt... so I was thinking that maybe we should Meet??

Hahahha.. you had to be there!

Og þa vard ljos!

2006-01-26T21:56:00.000Z

Fram að þessum degi hef ég gengið í myrkrinu. Ég hef hunsað athugasemdir, vinalegar ábendingar og kvartanir þeirra sem standa mér næst. Ég hef talið mér trú um að fólk í kringum mig sé veilt á geði og að ég sé fullkomlega eðlileg. En ég er það ekki. ÉG TALA Í SVEFNI!!!

Í flestum skíðaferðum, skólaferðalögum, vinkonugistingum, fjölskyldufríum, tjaldútileigum og kærastakúrum hef ég fengið að heyra að ég hrjóti. Allt í lagi. Ég veit það. Ég hef meira að segja næstum því sætt mig við það, og það hefur sko verið erfitt. Það er nefnilega svo fjandi ókvenlegt að hrjóta. Ég hef oft og mörgum sinnum vaknað við mínar eigin hrotur. Síðast þegar það gerðist var ég á business class á leið til Frakklands og sat á milli tveggja eldri manna. Þið getið rétt ímyndað ykkur niðurlægingu mína þegar ég vaknaði við háværar drunurnar í sjálfri mér! En hvað um það. Einstaka sinnum hef ég líka fengið að heyra að ég tali upp úr svefni. Í öll þau skipti sem svefntalið mitt hefur borið á góma, hef ég ávallt haldið að ég UMLAÐI í svefni. En neinei. Ég TALA í svefni! Ég held uppi heilum samræðunum í svefni!

Þessa merku uppgötvun gerði ég í dag þegar Kristín mín kæra, sem hefur gist hjá mér síðan á föstudaginn í síðustu viku, tjáði mér að ég hefði rabbað um heima og geima alla nóttina. Hún hefði hlustað á skemmtilegt samtal í dágóða stund (þó auðvitað bara aðra hlið samtalsins..) og svo hefði hún farið aftur að sofa. Hún tjáði mér einnig að þessi hegðun hafi einnig átt sér stað ALLAR hinar næturnar sem hún hafði verið hjá mér! Ég átti ekki til orð. Ég var miður mín. Ég trúði henni ekki! Kristín deildi því góðfúslega með mér öllu því sem ég hafði verið að deila með heiminum um nóttina, en það verður því miður ekki birt hér. Ég er hrædd um að einhver myndi deyja úr hlátri. Og ég úr skömm.

Ég lýsi hér með yfir frati á alla þá aðila sem sögðu mér að ég tali upp úr svefni og létu mig standa í þeirri trú að ég umli í svefni. Þið eruð öll skítseiði!! Og ég vona að þið... ropið í svefni eða eitthvað!!!

the big bad wolf dog

2006-01-20T18:04:00.000Z

Ég þjáist af einhversskonar blogglægð, lýsir sér í ótrúlegu hugmyndaleysi þegar ég sest fyrir framan tölvuna. Og þið vitið hvað er alltaf sagt: mynd segir meira en þúsund orð. Þannig að hér er mynd frá því að Karen og Anna Guðrún voru í skemmtilegri heimsókn hjá mér fyrir jól. Ótrúlega skemmtileg heimsókn, sérstaklega var gaman að fara mikið mikið mikið í undergroundið og sjá oxford street aftur.. og aftur.. og aftur.. og aftur... Hahahah..

Það var nú ýmislegt skemmtilegt og óhugnanlegt líka sem gerðist í þessari ferð. Ég man þetta eins og þetta hefði gerst í gær, skelfingarsvipurinn á aumingja Önnu og vælið í óargardýrinu! Við vorum á gangi í vetrarsólinni á Holland Park Avenue, og leið okkar lá að neðanjarðarlestarstöðinni. Við þurftum að ganga um lítið húsasund á leið að inngangi lestarstöðvarinnar og mættum þar fyrir stórum úlfhundi! Aumingja Anna Guðrún er alveg sjúklega hrædd við hunda og byrjaði samstundis að kveinka sér, en reyndi þó að brosa framan í hundinn! En eins og allir vita þá brosa hundar ekki, þannig að þegar maður sýnir þeim tennurnar halda þeir að maður sé að ógna þeim. Hundurinn stökk því við og beit Önnu í handlegginn!! Sem betur fer var henni svo kalt um morguninn að hún hafði farið í þrjá rúllukragaboli, tvær peysur og úlpu! Bitið náði því sem betur fer ekki í gegnum fötin. Við Karen trylltumst gjörsamlega og rifum nokkrar stórar trégreinar af nærliggjandi eikartré og börðum hundinn burt! Hann hrökklaðist að lokum í burtu þegar hann hafði kjamsað nóg á handlegg aumingja Önnu. Anna lá í losti á jörðinni og góðhjartaður heimilislaus maður kom og breiddi moldugt teppi sitt yfir hana. Karen líkaði það ekki alveg nógu vel og barði hann því líka með trjágreininni. Heimilislausi maðurinn hrökklaðist því í burtu með skottið á milli lappanna, eins og hundurinn. Ég vorkenndi aumingja manninum hinsvegar svo mikið að ég hljóp á eftir honum og laumaði að honum 100 pundum í klinki.

Þegar ég kom tilbaka hafði myndarlegan lögregluþjón drifið að og þónokkur hópur áhorfenda hafði safnast utan um aumingja Önnu sem skalf eins og hrísla í vindi. Lögregluþjónninn þreif trégreinina af Karen og lamdi sér leið í gegnum mannþröngina, og leiddi okkur að lögreglubílnum. Þegar í lögreglubíllinn var komið rétti hann Önnu nokkra plástra á sárið og beindi síðan orðum sínum að mér:

"You are a pretty gorgeous girl, eh?? What about a dinner tonight miss beautiful??"

Ég vissi ekki hvaðan á mig stóð veðrið, brosti mínu blíðasta og horfði ráðvillt á stúlkurnar. Karen sagði strax NEI, hún vildi ekki eyða fríinu sínu með mér og einhverjum löggumanni!! Ég neitaði því aumingja lögreglumanninum og fór út að borða með stúlkunum um kvöldið. Þetta var viðburðaríkur dagur, og við komumst því miður aldrei á oxford stræti þann daginn. En það sem mestu máli skipti var að Anna Guðrún var heilbrigð og þurfti ekki að fá blóðgjöf eða láta taka af sér handlegginn.

Spot on

2006-01-19T20:13:00.000Z

Já, svona er ég í góðu sambandi við sjálfa mig. Tók tvö svona próf á netinu, og viti menn, ég er í réttu stjörnumerki og bý í draumaborginni minni!! Alveg hreint ótrúlegt. Held samt að ef að Reykjavík hefði verið í prófinu hefði hún verið draumaborgin mín..

You Belong in London

A little old fashioned, and a little modern.
A little traditional, and a little bit punk rock.
A unique woman like you needs a city that offers everything.
No wonder you and London will get along so well.

What City Do You Belong In?

Your True Sign Is Cancer

Cozy
Moody
Romantic
Traditional
Ultra-Sensitive
Unable to Let Go
The Most Loving Ever
Intuitive and Imaginative

What's Your True Sign?

Hvað er i gangi???

2006-01-18T21:45:00.000Z

Nennir einhver að segja mér hvað er í gangi á Íslandi?? Af hverju sagði ritstjórn DV af sér?? Get reyndar hugsað upp ca. milljón góðar ástæður, en var eitthvað afgerandi atvik sem gerði útslagið?

Og ef það eru einhverjar aðrar stórfréttir, endilega segja mér!!! Ég er svoldið fréttavana hérna úti... Hvað er til dæmis að frétta af þessu blessaða tónlistarhúsi?? OG HVERNIG ER VEÐRIÐ HJÁ YKKUR??? Hahaha

Veist þu hvaða dagur er i dag????

2006-01-13T16:58:00.000Z

Til hamingju með föstudaginn þrettánda!! Það er nú ekki nóg með að það sé föstudagurinn þrettándi, heldur er fullt tungl líka! Við Brynja erum næstum því báðar krabbar (hún er víst ljón..) og látum því stjórnast af tunglinu, þannig að við erum í essinu okkar á fullu tungli (getur reyndar brugðið til beggja átta, súper emotional tími). Við ætlum því eflaust að halda okkur inni við í kvöld og horfa á hryllingsmyndir undir hlýrri sæng í stóra rúminu mínu. Fáum okkur örugglega The Shining, eða What lies beneath! Það er nú ekki hættandi á það að fara út, við gætum séð svartan kött í þokkabót, nú eða gengið undir stiga!! HAHAHA.
Ég er samt í alvörunni rosalega hjátrúarfull! :)

En ó hvað ég átti fyndið samtal við kassastarfsmanninn í Marks & Spencers í dag! Ég var að flýta mér að raða vörunum sem ég var að kaupa upp á afgreiðsluborðið þegar maðurinn sagði með stórt indverskt bros á vör:

Starfsmaður: Are you in a hurry?
Ég: Uuu, no not really.
Starfsmaður: That is good. Do you want to know why?
Ég: Uuu.. yes, sure.
Starfsmaður: Because then you will be here with me longer.
Ég: Eheheh.. ég vissi ekki hvað ég átti að gera annað en að hlæja
fögrum hlátri...

Svo rétti ég honum kortið mitt til að borga, og það var kortið hennar Sillu. Hann las á það og sagði með brostin augu:

Ooohh.. Ms Silla???

Ms stendur semsagt fyrir miss, og er sett á undan nöfnum ógiftra kvenna. Hahahha. Já þetta var fyndna saga vikunnar. Ef einhver hefur heyrt mig herma eftir Indian shopkeeper (Abu) þá talaði hann alveg eins og hann! Hhahahaa.

Back to Basics: London

2006-01-09T23:11:00.000Z

Ég er komin aftur til London. Flugið gekk ágætlega, fengum allan farangurinn okkar á endastöð og var sem betur fer ekki meinaður aðgangur að flugvélinni eins og síðast. Ég átti þó vandræðalegt móment í flugvélinni; ég sat við hlið einhverrar konu og sofnaði. Nema hvað, þegar vel er liðið á flugferðina og dúrinn minn vakna ég við einhver læti. Og lætin voru hroturnar í sjálfri mér!!! Vandró!!!

En jæja, hvað um það. Skíðaferðin gekk vel. Ég klessti samt tvisvar á tré og missti skíðin mín lengst niður alpana. Þurfti að staulast á klossunum að sækja þau. Svo fór ég nokkrum sinnum óvart á fullu bruni á einhverja snjóbrettastökkpalla, mér varð þó ekki meint af, enda fim með eindæmum. Eða svona nokkurnveginn. Var reyndar ekkert langt frá því að hryggbrjóta mig. Aftur.

En ég lærði samt ekkert nýtt í frönsku. Synd og skömm. Ég kann eiginlega bara mehgggsí (merci) og bonsjúúú (bonsjúr) en ég sagði reyndar bonsjúo eitt kvöldið þegar ég átti víst að segja bonswúa. Jæja, ég lærði það þó.

Betrumbót

2006-01-05T10:14:00.000Z

Útsýnið úr stofugluggunum okkar

Ég veit að síðasta færslan mín var mjög neikvæð, og þó að neikvæðnin hafi átt fullan rétt á sér verð ég eiginlega að koma með smá jákvæðni til að bæta brot mitt.

Frönsku alparnir eru engu líkir. Ef mér byðist það þá myndi ég flytja hingað á nó-inu! Ég sit t.d. núna með eplakinnar inní stofu í "chalet-inu" okkar og horfi út um 6 metra gluggana okkar upp í brekkurnar. Og hvílík sjón! Snævi þakin grenitré í sólböðuðum hlíðum með magnþrungna alpatindana í baksýn. Litlir timburkofar leynast hér og þar á milli trjánna og einstaka skíðamaður sést skíða "off-piste" framhjá. Grýlukerti hanga af þakskeggjum húsanna og 2metra snjólag liggur yfir öllu.

Við vöknum snemma á morgnana og erum mætt í brekkurnar þegar lyfturnar opna klukkan 9:00. Lyftuferðirnar í erfiðustu leiðirnar taka allt frá 5mínútum upp í hálftíma, og eru mjög ánægjulegar í góðu skyggni því þá sér maður alla nálægu fjallstindana. Í gær fórum við upp á einn toppinn og sáum endalausa dali, tinda og þverhníp klettabelti. Þegar þú ert komin upp með lyftunni tekur dágóðan tíma að fara niður aftur; þetta eru engar bláfjallabrekkur þar sem þú ert komin niður eftir 7mínútna svig. Ég tók alveg góðan klukkutíma að komast niður eina brekkuna í gær. Að vísu er ég ekki fljótasti skíðamaðurinn á svæðinu, en ég hélt samt alveg ágætis hraða..

Í fyrrinótt vaknaði ég um miðja nóttina og gat ekki sofnað aftur. Ég gekk út á svalirnar okkar með sæng utan um mig og þrátt fyrir nístingskuldann stóð ég sem dáleidd undir stjörnuskrýddum himninum. Ég vildi að ég hefði getað fest þetta á filmu því að ég veit ekki hvort eða hvenær ég sé nokkuð svo fallegt aftur. Og í gærnótt var kampavínsflaska opnuð og dreypt á henni í heita pottinum auk þess sem við gæddum okkur á konfekti. Unaðsleg stund. Eiginlega hafa allar stundirnar hérna verið unaðslegar. Hver er til í að flytja með mér í alpana???

Skálinn okkar, Chalet Aurore

Ferð dauðans

2006-01-04T19:54:00.000Z

Síðasta mánudag, 2. janúar, lagði ég af stað í ferðalag og hélt að ég myndi hafa það ferlega gott. Ég var á leiðinni í skíðaferð í Frakklandi ásamt fjölskyldunni sem ég er að vinna hjá, á eitt besta skíðasvæði veraldar, Les trois vallées. Við lögðum af stað útá Keflavíkurflugvöll klukkan hálf7 á mánudagsmorgni og flugum til Heathrow flugvallar í London. Þar ætluðum við að taka tengiflug áfram til Genf klukkan 13:00. En það varð nú aldeilis ekki raunin.

Við komuna á Heathrow fengum við farangurinn okkar seint og fengum einnig, fyrir mistök, farangur okkar sem var skráður alla leið til Genf, en kom samt á færibandið á Heathrow flugvelli. Vegna þessa töskuvesens misstum við af flugvélinni okkar til Genf, kl. 13:30, hliðinu var bókstaflega skellt á andlitið á okkur þrátt fyrir að við værum með miða í flugvélina sem á stóð að hliðinu væri lokað fimm mínútum eftir að við komum að hliðinu. Við þurftum því að gjöra svo vel að kaupa nýja miða í flugið klukkan 15:00 sem við og gerðum. Flugvallarstarfsmaðurinn sem skellti hliðinu á okkur gaf okkur leiðbeiningar sem komu okkur í miklar ógöngur, við enduðum með allar töskurnar okkar í læstri veitingalyftu sem þurfti að nota lykil í til þess að komast niður, en ekki upp, og læstumst við því á annarri hæð gvuð má vita hvar á Heathrow flugvelli. Loksins kom einhver starfsmaður og hleypti okkur út og gaf okkur nýjar leiðbeiningar um hvert við ættum að fara til þess að kaupa nýja miða með 15.00 fluginu. Þar biðum við í hátt í klukkutíma á meðan mjög hægur flugvallarstarfsmaður gaf út 10 nýja miða fyrir okkur. Hún sagði okkur að taka töskurnar okkar með að hliðinu og hafa þær allar með okkur inn í farþegarými flugvélarinnar. Þrátt fyrir ítrekuð símtöl í hina ýmsu starfsmenn, þar með talið í yfirmann farangurs, láðist henni að nefna það að við værum með ca 12 stórar töskur. Því lentum við í mikilli krísu þegar við komum að hliðinu og yfirmaður farangurs (eða gvuð má vita hvað hann var; sá allavega um að hlaða töskum í vélina) harðneitaði að hleypa okkur inn í vélina með töskurnar og bauð okkur að fara með 15:00 vélinni og fá töskurnar okkar með næstu. Þegar við sögðum að við sættum okkur ekki við það lokaði kallinn landganginum og sagði við flugstjórann í talstöðina sína að fara af stað án okkar. Á þessum tímapunkti vorum við flestöll farin að kjökra af þreytu, pirringi og vantrú á að svona lagað gæti gerst!

Klukkan 17:00 komumst við loks í flugvél til Genf (eftir að hafa misst af 2 vélum) og rökrætt við um það bil 30 flugvallarstarfsmenn. Við komuna til Genf héldum við að loksins væri vandræðum okkar lokið. Hvernig gátum við verið svona bjartsýn?? Eftir langa bið við færibandið áttuðum við okkur á því að töskurnar okkar voru ennþá í London því að þrátt fyrir Loforð flugvallarstarfsmannanna um að skipta um "bag tags" voru töskurnar ennþá merktar með 15:00 vélinni og voru því ekki settar með í 17:00 vélinni. Stupid stupid stupid.

British Airways fá samt smá kúdós fyrir að gefa okkur "night kit" til að lifa af nóttina. Í því voru supersize BA nærbuxur og stuttermabolur, tannbursti, tannkrem, sápa og sjampó. Hahahahahha. Æðislegt. Made my day!

Um miðnætti þann 2. janúar 2006 vorum við því komin til Méribel, með engan farangur og ekki neitt, slipp og snauð eftir 17 tíma ferðalag. Núna áðan klukkan 20:00 fékk ég síðustu töskuna mína, og þá hafði allur farangurinn skilað sér. Það var samt ferlega óþægilegt að vita ekkert af farangrinum sínum og mæli ég ekki með því við neinn! Ragnheiður kveður frá Méribel í Frakklandi.

Aumingja betlarakonan á móti okkur

2005-12-29T14:44:00.000Z

Mamma mín er mjög "virk" kona, og í einu "virkniskastinu" hérna síðasta vor bauð hún sig fram sem formann húsfélagsins í blokkinni okkar. Ekki veit ég nú hvað hún fær útúr því annað en einhverja pappírsvinnu. Nema hvað, öll jólin hafa rykfallnir nágrannar okkar verið að banka upp á hjá okkur. Ég hef ekki séð þetta fólk síðan ég var lítil skotta í kjól með fléttur og missti brenniboltann minn upp á svalirnar hjá þeim. Því er ekkert skrítið að ég þekki þau ekki strax í sjón, rykföllnu nágrannana.

Í dag kom kona ein og bankaði upp á og spurði eftir mömmu. Ég sagði að hún væri ekki heima, en gæti ég skilað einhverju til hennar?
Þá tók aumingja aldraða konan upp snjáðan innkaupapoka (svona útsaumaðan eins og gamlar konur eiga) og spurði hvort ég ætti einhverjar perur? Henni vantaði svo agalega eins og eina rauða peru og nokkrar gular. Ég í sakleysi mínu, enn með stírur í augunum og greinilega með hálfri meðvitund, svaraði að ég myndi athuga og bað hana um að bíða augnablik. Ég labbaði inn í eldhús og opnaði ísskápinn, en fann engar perur. Ég hugsaði með mér að ég gæti kannski gefið henni eitthvað annað, og var að spá í af hverju henni vantaði einmitt perur. Kannski var hún að baka peruköku? Gæti hún þá ekki alveg eins breytt uppskriftinni og notað epli? Ég gekk fram í forstofu með eitt grænt epli í hendinni og nokkur rauð í plastpoka og ætlaði að bjóða henni þau, hún gæti kannski notað þau í staðinn? Sem betur fer kom Hulda systir fram á meðan ég var að grúska í ísskápnum og aðstoðaði aumingja nágrannakonu okkar við að finna perur í seríuna á svölunum hjá sér, sem er eitthvað sem formaður húsfélagsins sér um. Ég þurfti því ekki að niðurlægja mig né hana með að gefa það í skyn að hún væri að betla ávexti hjá okkur.

Svo þegar ég kvaddi konuna með sauðslegan svip á vörum fór ég að gráta af hlátri. "Nei, því miður, ég á engar perur í jólaseríuna þína, en ég á hérna nokkur epli...?" Ótrúlegur vitleysisgangur í manni stundum!

Jæja, nú blogga ég ekkert fyrr en ég er komin með 10 komment. Það er dónalegt að lesa blogg án þess að kvitta fyrir sig eða gefa álit!!
P.s. ef einhver ætlar að vera blekaður um áramótin og vill lána mér bílinn sinn til að vera driver... call me!

Jól. Og snjór. Og skíði.

2005-12-28T17:17:00.000Z

Síðasta færslan mín var svo sykursæt og væmin að það liggur við að maður kasti upp. Svona fer jólaskapið með mann, sveiattann!

Ég er ekkert búin að skrifa um gleðigjafana Karen og Önnu Guðrúnu sem kíktu í heimsókn á mig úti og urðu samferða mér heim. Þær voru alveg rosalegar, þræddu oxford stræti alla fimm dagana sem þær voru hjá mér!! Á leiðinni heim var ég með fullt fullt af jólapökkum, skíðadót auk venjulegs farangurs, og samt vorum við Anna með jafnþungar töskur, 30 kg takk fyrir!! Karen kom liggur við með engan farangur, kom bara með fötin sem hún var í, og fór með fulla tösku af drasli heim! Já, þær kunna sko að versla þessar ljúfur.

Annars hef ég voðalega lítið að segja, er bara búin að liggja í leti yfir jólin, fékk margar fallegar gjafir, takk fyrir mig! Búin að njóta þess í botn að keyra réttu megin á veginum, og gerðist meira að segja svo fræg að vera driver í afdrifaríkri bæjarferð síðustu helgi. Ég var búin að gleyma því hvað það er gaman að skemmta sér í 101 Rvk. Ég reyndi nú líka aðeins að skemmta mér í 800 Selfoss City, en það var eitthvað endasleppt. Reykjavíkin er víst alltaf best.

Ég fer af klakanum í snjóinn í Frakklandi 2. janúar. Erum að fara til Chamonix, á Mont Blanc. Hlakka til að fara á skíði, er samt pínu stressuð, hef ekkert skíðað síðan að ég braut á mér 3 eða 4 hryggjarliði í skíðaslysi fyrir 5 árum.. En þið vitið hvað þau segja: alltaf að skella sér aftur á bak ef maður dettur! Kannski aðeins fyrr, en betra er seint en aldrei!

Ég í bláfjöllum.

"Cable Car" á leið upp fjallið.

Auðvitað eru báðar þessar myndir frá Chamonix. Vúhú.. I can't wait!

Jólafærsla

2005-12-24T17:13:00.000Z

Ég óska vinum, kunningjum ættingjum og öðru góðu fólki nær og fjær gleðilegra jóla og gæfuríks nýs árs. Ég elska ykkur öll (eða allavega flest, þið vitið hver þið eruð ;) og vonast til að sjá ykkur áður en ég fer aftur til London (2.jan)

Ég ætlaði að senda jólakort í ár, og settist meira að segja niður öll af vilja gerð með Kristínu, Brynju og Pinot Grigio flösku, en það eina sem kom út úr því var 3 erinda jólaljóð. Ég færi ykkur það með kærleik í hjarta og piparkökur í maga.

Næturhúm og norðurljós
fylla mig hlýju
gleymd eru tími og rúm
jólin eru komin að nýju

Negul stungið í nektarínur
ilmur fyllir mín vit
húsið heimsækir góður vinur
tekið er upp hið heilaga rit

Og sjá; ég boða yður mikinn fögnuð
Svo mælti engillinn æðsti
enn eru lesin orðin mögnuð
um Hann sem varð hinn hæsti.

Ef þið ætlið að setja þetta í hákveður og lágkveður, stuðla og höfuðstafi og slíkt, þá er þetta óttalegur leirburður. Ég reyndi að festa jólaandann í hjarta mér á blað og þetta var útkoman. Ég vona að þið eigið góð jól!

Jo vist

2005-12-17T00:01:00.000Z

Undanfarnir dagar, með daginn í dag sem hápunkt hafa verið æðislegir! Ég er búin að vera eitthvað hálf dán uppá síðkastið, lítið að gerast og veðurfarið búið að vera einstaklega óspennandi. Það er alls ekki jólalegt hérna í London, annaðhvort rigning eða hráviðri og einhvernveginn hvorki kalt né heitt þannig að líkamsklukkan veit ekki að það er löngu kominn desember!!

Síðasta föstudag fór ég í jólaboð til reverend Michael, biskup af Kensington. Allri fjölskyldunni var boðið, og þar með talin ég :) Ég gerði reyndar þau reginmistök að lauma jólakossi á kinn biskupsins, því ég hélt að til þess væri ætlast!! Hann heilsaði mér ósköp hlýlega og spurði mig að nafni, ég svaraði, "My name is Ragnheiður, thank you so much for inviting me" Og við þau orð hallaði hann kinn sinni að munni mínum (eða eyra sínum að munni mínum eins og ég sé núna) og var greinilega að bíða eftir að ég endurtæki nafnið mitt. Ég skellti bara kossi á kallinn og brosti mínu blíðasta.. fyrir framan konuna hans!!! Æjæj.. og þettta er sko í 3 eða 4 skipti sem ég lauma kossi á einhvern sem á ekki von á því!! Vandræðalegt...

Svo núna síðasta mánudag fórum við Silla að kaupa jólagjafir. Eitthvað villtumst við þó af leið því að áður en við vissum af vorum við súpandi kaffi í handsnyrtingu! Við versluðum eitthvað smá, og kíktum svo á Claridges hótelið þar sem við áttum pantað borð í afternoon tea. Þessi litla testund var það næsta sem ég hef komist því að fá menningarsjokk hérna í Englandi. Við fengum samlokur sem voru minni en konfektmolar, ég fékk mér mjög sjaldgæft te þar sem laufin eru aðeins tínd 2 daga á ári.. hahah hvílík vitleysa! Svo fengum við einhver staupglös með eftirréttum, þetta var allt eins og eitthvað barbí buffet!

Svo í gær (föstudag) kom ég heim úr 3 daga ferð til Helsinki í Finnlandi. Það var alveg feikilega fínt. Það var ekki laust við að ég fengi smá heimþrá þegar ég kom til Helsinki því hún minnti mig svo mikið á Reykjavík! Breiðar götur, bílarnir réttu megin á götunni, allt hreint og fínt, ekkert drasl eins og sumstaðar í London, allir bara jättebra og heijaljuppa á kantinum... Já ferlega fínt. Ég tók mér smá göngutúr og kíkti á dómkirkjuna á Uniongatan. Þar var ég ferlega heppin því stór drengjakór, barokkhljómsveit og tveir einsöngvarar voru að æfa sig fyrir tónleika um kvöldið. Ég fékk því nokkurskonar einkatónleika í þessari ótrúlega fallegu dómkirkju. Fékk enn meiri heimþrá þó, því að þetta minnti mig svo mikið á generalprufurnar í háskólabíó með sinfó þegar ég var í óperukórnum... dæsidæs.

En jæja, það eru víst bara 3 dagar í mig!! :) Eru ekki allir byrjaðir að baka fyrir heimkomuveisluna mína?? Og er ekki einhver örugglega byrjaður að skipuleggja heimkomuveislu???? MAMMA?? :)

Shepherds Bush Empire

2005-12-06T16:38:00.001Z

Ég fór á Anthony and the Johnsons í gær. Alveg hreint magnaðir tónleikar. Leynigestur, nýjar útsetningar á þekktum lögum og þáttaka áhorfenda. Skrifa meira síðar.

-------------------------

Já ég fór s.s á Anthony and the Johnsons um daginn, og hvílíkir tónleikar!! Staðurinn var pakkaður enda í minni kantinum, en við Stína náðum samt að troða okkur aðeins framávið þannig að við sáum Anthony við píanóið. Þessi hljómsveit fékk Mercury tónlistarverðlaunin hérna í Bretlandi núna í haust, og hefur sú ákvörðun verið nokkuð umdeild í ljósi þess að Anthony myndi strangt til tekið ekki flokkast til breta, því hann ólst upp í ameríku. Einnig hefur verið deilt á boðskap texta og laga, sem mörg hver lýsa erfiðleikum kvenna sem eru fastar í karlmannslíkama, eins og Anthony sjálfur hefur glímt við.

Ég beið allan tímann eftir laginu "Hope there's someone" og þegar hann tók það í endann fékk ég kökk í hálsinn! Hvílíkt meistaraverk. Í laginu "You are my sister" kom vinur hans Anthony og söng lagið með honum, enginn annar en Boy George! Þeir sungu lagið saman, og textinn og raddirnar þeirra og auðvitað bakgrunnur beggja söngvara blandaðist allt saman eins og vatn í á. Hahah var að búa til þetta máltæki. En þið skiljið hvað ég meina.

Í næstsíðasta laginu tók hann töluverðan tíma í að kenna áhorfendum að syngja eina línu, stúlkurnar fimmund ofar en drengirnir. Svo þegar hann gaf okkur bendingu þá tóku allir þátt og andrúmsloftið var hreint og beint rafmagnað!!

já eðal tónleikar, og þrátt fyrir mikið miðahark og rip-off sölumenn, fær kvöldið 5 stjörnur af 4. Ég hvet alla sem vettlingi geta valdið að kíkja á þá þegar þeir spila í Hallgrímskirkju núna rétt fyrir jólin, því að það á eflaust eftir að verða magnað.

Fodselsdag

2005-12-05T17:52:00.000Z

MED DEJLIG CHOKOLADE OG KAGER TIL...

Afmælisbarn dagsins er hún FANNDÍS ÝR, hún er hvorki meira né minna en 20 ára gömul í dag! Litla ljóshærða eyðir deginum (og árinu..) í Danmörku og skellir sér eflaust í tívolí í tilefni dagsins! Eða kannski ekki. Maður veit aldrei :)

Til hamingju með daginn ljúfust, du har det godt, jo?

I frettum er þetta helst:

2005-11-25T17:30:00.000Z

Ég keypti mér fyrstu seríuna af LOST fyrir stuttu. Við Kristín og Brynja erum búnar að liggja yfir þessu þónokkur í röð og erum búnar með fyrstu átta þættina... Svo erum við Kristín að auki búnar með 4 þætti til viðbótar. Þetta er ávanabindandi, við gátum bara ekki stillt okkur!! Ég er afar fegin að við erum að horfa á þetta saman því að þetta er svo skerí að ég get ómögulega horft á þetta ein!

Já svo er ég bara búin að vera á ótrúlega miklu útstáelsi núna upp á síðkastið, síðustu helgi fórum við fjölskyldan + brynja á jólaskauta á Somerset House ice rink, ótrúlega gaman, og svo í leikhús á Blue man group! Þetta var eiginlega ekki leikrit, heldur ekki uppistand, heldur svona einhversskonar gjörningur, en megi guð vera mitt vitni, ég held að þetta sé það skemmtilegasta stykki sem ég hef séð!

Á milli skautanna og leikhússins var kíkt til jólasveinsins sem var staddur í Ralph Lauren búðinni á Sloane street; litlu strákarnir mínir áttu pantað viðtal við jóla (sem bað þá vinsamlegast að hafa cookies and whisky ready for him!!) Svo kíktum við í lunch á Nicole's í Nicole Farhi búðinni þar sem við Brynja fengum okkur að sjálfsögðu andasteik og með því! Brynja var svo lengi að borða að við vorum næstum búin að missa af leikhúsinu!! :)

Haldiði ekki að ég sé búin að bæta við nýjum hæfileika á hæfileikalistann minn. Núna kann ég að spila póker!! Ekki mjög vel reyndar, en við stelpurnar ætlum að hafa pókerkvöld á næstunni og þá verður "the face of steel" sett upp! Kristín var eitthvað að halda því fram að hún væri að spila póker í fyrsta skipti, en ég hef hana grunaða um græsku því hún rústaði mér og 5 íslenskum pókervönum strákum!! Jáh, hún hefur verið með eitthvað uppí erminni þessi ljúfa!

Svo hef ég nú líka af öðru að státa, ég fór inn á fyrsta hnakkaklúbbinn síðustu helgi, hann heitir Walkabout og er hörmulegur. Ekki fara þangað. Það er reyndar alltí lagi tónlist (sérstaklega var ég hrifin af jólalaginu með Mariuh Carey haha) en það er of mikið af fólki þannig að maður getur varla skipt um skoðun á dansgólfinu fyrir þrengslum! Svo eru líka bara innflytjendur og túristar þarna þannig að maður fær bara á tilfinninguna að maður sé á "Los Locos" á Costa del Sol eða eitthvað! Í gær fór ég hinsvegar á mun betri stað, hann heitir "Spice of life" og þarna halda við atvinnutónlistarmenn og sýna listir sínar. Ég fór með Kristínu, Brynju og Virginie (Eða var það Angelina?) frönsku stelpunni af hostelinu hennar Kristínar, og við skemmtum okkur bara þrusuvel! Í gær var blúsþema, en þeir eru líka með djazz, alternative rock og soul kvöld. Mjög gott að gera research fyrir The Icebergs á þessum stað... Eftir 4 tíma af blús (bestu 4 tímar ævi minnar) kíktum við á 24hour kaffihúsið "Fiori" og fengum okkur að snæða... Kristín var ekkert smá dónleg og smyglaði með sér mat inná staðinn og skammaðist sín ekki einu sinni fyrir það!!!! Hahhahha. Neinei, þetta er nú bara smá djók... Hún skammaðist sín alveg smá!

Ég er byrjuð í söngtímum hjá kórstjóra íslenska kórsins, Margréti Sigurðardóttur. Hún er ung söngkona, útskrifuð úr Royal academy of music og mjög hæfileikarík. Ég er búin að fara í 3 söngtíma hjá henni og líkar mjög vel, ég finn það að ég mun læra mikið af henni. Svo er ég að fara í viðtal til annarar söngkonu í næstu viku, sem heitir Margareth Cable, og það hefur verið aldeilis þrautaganga að komast í viðtal hjá henni! Ef henni líst nógu vel á það sem ég hef fram að færa þá mun ég kannski bara hafa 2 söngkennara! Og báðar munu þær bera nafnið Margrét. Fyndið :)

Jáh, þetta er svo sannarlega búið að vera viðburðarík vika og feikinóg framundan, á laugardaginn förum við Brynja í 4 tíma rútuferð til Hull með kórnum og gistum þar eina nótt. Svo eru Karen og Anna Guðrún væntanlegar eftir 2 vikur í heimsókn, og ég mun mögulega skella mér til Parísar í Disneyland með strákana rétt áður en þær koma! Úff púff, eins gott að fara að skipuleggja.. Verð að hafa þetta í dagbókinni!

Eitt í viðbót, ég veit að ég er ekki mjög dugleg að blogga, en ef þið viljið lesa um london ævintýrin frá öðru sjónarhorni kíkiði þá endilega á heimasíðurnar hjá Brynju og Kristínu:
www.blog.central.is/brynjast
www.blog.central.is/stinaros

Ragga.

"What part of CHOCOLATE do you not understand??? Is it the CH- part, or is it the OC- part, or is it the OL- part, or is it the ATE- part???" Hahahah... Æji ég veit.. það skilur þetta enginn...

Jolabiltur

2005-11-25T17:24:00.000Z

Ég skutlaði Kristínu og Brynju einu sinni heim eftir eina kóræfinguna, við keyrðum niður Bond Street. Haldiði ekki að jólaljósin séu komin upp, og það fyrir þónokkru síðan! Svo langt sem augað eygir lýsa blá ljós upp stræti og torg. Held að þetta sé þemað í ár, blá neonljós. Allavega var Sloane street líka lýst upp með bláum ljósleiðurum. Mjög flott, og ekki laust við að maður sé kominn í jólafílinginn!

Ég er búin að kaupa nokkrar jólagjafir og hef einnig lokið við að skoða, máta, ákveða og kaupa jólakjól!! Mega flottur.. Jáh krakkar mínir, það eru ekki nema 26 dagar í Rögguling!!

Hljomsveit

2005-11-20T00:11:00.000Z

Brynja og Kristín komu til mín á föstudaginn og við höfðum það agalega gaman saman. Við borðuðum góðan mat saman og horfðum svo á "The commitments" sem móðir mín kær hefur verið að reyna að láta mig sjá síðan ég var sirka ellefu ára. Ég verð að segja að þessi mynd er bara æðisleg! Myndin fjallar um nokkra einmanna einstaklinga í Dublin á 9. áratugnum sem stofna hljómsveit. Við stúlkurnar komumst í svona líka mikinn hljómsveitarfíling af því að horfa á myndina og fórum að tala um að við ættum kannski bara að stofna hljómsveit! Hahah... Nema hvað, eitthvað var ásetningurinn meiri en venjulega þegar við höfum verið að gantast með eitt og annað, því að við stofnuðum hljómsveit!! THE ICEBERGS!! HAHAHA!!! Og þar sem engin af okkur spilar á hljóðfæri fundum við svona tónlistar smá-auglýsinga síðu fyrir London og skelltum saman einni auglýsingu fyrir hljómsveit. Svona hljóðaði hún:

Wanna make something NEW!!! Hell yeah!!! Join the icebergs!!!

Rock, soul, jazz, blues, pop, alternative...

3 icelandic female singers looking to form a band.

Influences: The commitments, The Cranberries, Aretha Franklin, Ray Charles, The Cure, Anthony and the Johnsons, Coldplay, Sigur Rós, Björk, Ella Fitzgerald, Jeff Buckley and so on... The list is endless...

Don't be shy, a lot of experience not necessary, creativity and inspiration as well as a good attitude much more important!

Age between 20 - 30.

Hahahhahahahahah!!! Nema hvað, haldiði ekki að það séu fullt af fólki búið að svara, allir mjöööög áhugasamir um okkur íslendingana! Við erum komin með einn sem spilar á bassa og gítar, einn singer/songwriter/guitarist(acoustic og 12-strengja!!)/keyboardist, og einn heavy metal trommara sem spurði okkur reyndar hvort við þekktum til Daníels Ágústs því hann hefði verið beðinn um að hjálpa til við tónlistarmyndband fyrir hann á næstunni... Hahha... Ef þið vitið ekki hver Daníel Ágúst er: Evróvisjón.. .Birta... hvítir búningar... hörmulegasta lag allra tíma.

Það versta er að allt fólkið sem er að sækja um í hljómsveitina okkar hefur muuun meiri reynslu en við, því það hefur allt verið í hljómsveitum og gefið út diska og svona!! Einn hefur aðgang að stúdíói og allt! Ég held reyndar að Brynja sé búin að bakka útúr þessu, en við Kristín ætlum eflaust að skella okkur í djúpu laugina og stofna hljómsveit!!! Eða hvað??

HJALP

2005-11-14T14:21:00.000Z

Ég er að fara í klippingu og litun á miðvikudaginn.. núna er ég víst orðin sjálfstæð stúlka á erlendri grund, og ætti því ekki að vefjast fyrir mér að taka ákvarðanir eins og hvernig ég ætti að klippa mig... HJÁLP! Stelpur mínar, ég veit ekkert hvernig ég á að kippa mig... er búin að fara í colour skin test (eitthvað toni&guy company policy) þannig að ekkert stendur í vegi mínum nema ákvörðunin!

Ég er að hugsa þykkur toppur, þynna í endana, þannig að liðirnir komi betur í ljós í endunum. Og dökkdökkbrúnt með rauðri slikju. Ekki rauðhærð samt. Hvernig hljómar það??

Jiiii hvað ég sakna þeirra daga þar sem ég gat legið uppí rúmi með fæturnar uppí loft, frestað heimavinnunni og uppvaskinu og kjaftað við vinkonur mínar í símann allan daginn. Sendiði mér meil stúlkur!! Karen fær reyndar mega kúdós fyrir að vera dugleg í emailinu...

Kommentiði um klippinguna.... og ef þið vitið hvernig á að útskýra þetta á ensku, endilega bjóðið fram aðstoð ykkar! :)

"Can I have a dark dark brown hair with a red slikja, and a heavy top and thin ends with waves??"
(Um daginn var ég að leita að brúnum leðurstígvélum sem krumpast niður og spurði afgreiðslukonuna: "Do you have any ladies boots that krump downwards??" Og hún skildi mig!!)

Korparty

2005-11-12T14:25:00.000Z

Í gær héldum við kórpartý í húsinu okkar. Við Silla erum báðar í Íslendingakórnum hérna í London og þegar upp kom sú umræða að halda partý þótti okkur tilvalið að bjóða okkar hús í verkið!

Það voru því ca 25 hressir kórmeðlimir og fylgifiskar sem stigu fæti inn fyrir virkisveggina hér í Kensington og skemmtu sér við ljúfa tóna sálarinnar og ununar. Það var ansi breitt aldursbil í partýinu, allt frá 20 og upp í rúmlega 40, en þrátt fyrir aldursmismun og "language barriers" á stundum, tókst vel til. 2 Ástralskir vinir okkar Brynju komu í partýið og þeir höfðu aldrei smakkað neitt jafn ljúffengt og flatkökur með hangiketi! Við erum komnar mjög langt með að sannfæra þá um að koma til Íslands um áramótin, enda hvergi betra að vera! Þeir voru steinhissa á því hvað við íslensku stúlkurnar vorum frakkar, og líkaði það vel. Þeim fannst bara verst að það væru bara c.a. 150.000 konur eins og við! HAHA!
Hvítt, rautt og bjór rann einnig ljúflega ofaní landann, og betur í suma en aðra. Áfengið hjálpaði mörgum að gera það sem þeir gátu ekki gert fyrir sig sjálfir, og því var geypimikil aðsókn í Singstar. Ég sé það þegar ég lít um öxl að Singstar-ið var mistök. Þegar klukkan var orðin 4:00, og ástralarnir og aðrir útlendingar voru farnir að ranghvolfa augunum af þreytu, ákvað ég að fylgja þeim sem eftir voru út á næstu strætóstöð. Kristín ákvað þó að krassa bara heima hjá mér, og við áttum góðar stundir með eðalsamlokur og kjaftatörn. Takk fyrir hjálpina í tiltektinni Kristín!!

Lag kvöldsins að mínu mati var klárlega: "Build me up buttercup" með the Foundations. Klassi!

Flugeldar og grasker

2005-11-04T20:00:00.000Z

5. nóvember hvert ár halda Englendingar upp á það að þingmennir þeirra og þinghús björguðust frá eyðileggingu árið 1660. Vitskertur maður að nafni Guy Fawkes reyndi að sprengja þinghúsið í loft upp á þessum degi fyrir rétt rúmum 340 árum.
Að kvöldi til eru haldnar brennur þar sem Guy Fawkes er brenndur, og flugeldum er skotið upp til að minnast þeirrar ljósadýrðar sem var naumlega afstýrt.

Í síðustu viku var hrekkjavakan, og börnin fóru að sjálfsögðu í hræðilega búninga og fóru "trick-or-treating". Ég fór með Hinriki í eitthvað Imperial College hrekkjavökupartý, og eyddi deginum í miklar vangaveltur um búningaval. Ég kom til London frá Íslandi deginum fyrir hrekkjavöku þannig að þegar ég fór loksins að spá í búninginn minn var flest það flottasta horfið úr hillunum. Það sem eftir stóð var að mestum hluta búningar sem hefðu sómt sér vel í S&M búningabúð. Titlarnir utan á búningunum voru flestir í þessum dúr: Sexy Satan, Witch with a Whip, Hot little Kitten costume o.s.frv. Ég fór næstum hjá mér við að skoða þetta. Loksins fann ég einn búning sem var ívið efnismeiri heldur en hinir; Arabaprinsessu búningur. Ekki mjög svo í anda hrekkjavökunnar, en ég hugsaði með mér að ég yrði að láta þetta duga. Þegar heim kom skoðaði ég búninginn og komst að því mér til mikillar skelfingar að ætlast var til þess að maður væri með beran mallakútinn í þessu. Sú uppgötvun skyggði aðeins á gleði mína við að finna búning með skálmum og ermum. Ég hugsaði með mér að ég yrði bara í bol innanundir og myndi redda þessu. Svo mátaði ég. Já. Þetta leit vægast sagt illa út. Arabaprinsessan mín var greinilega eitthvað að misskilja dress-codið á Halloween. Við nánari skoðun hafði ég ekki fest kaup á arabaprinsessubúning, heldur Harem Girl búning (sem lauslega þýtt merkir Kvennabúrs stúlkan.) JesúMaríaogJósef. Ég get nú ekki látið sjá mig í þessu útivið!

Ég hafði klukkutíma til að finna mér búning og leitaði því á náðir almættisins: Internetsins. Ég fann sniðuga DIY heimasíðu sem sýndi manni hvernig maður gæti sjálfur búið sér til fyndinn búning á stuttum tíma úr hlutum sem væru þegar til á flestum heimilum. Sérstaklega leist mér vel á að vera "Waste of time" eða "Substitute Teacher". Ef einhver hefur áhuga á, þá fylgja hér uppskriftirnar:

"Waste of Time": Vertu í venjulegum fötum. Settu á þig belti. Festu fullt af úrum við beltið. Hahhaha! Get it?? Anyone??

"Substitute Teacher": Settu hárið upp í snúð. Vertu í pilsi og skyrtu og lágbotna skóm. Vertu með gleraugu. Settu bréfaskutlu í hárið á þér. Festu miða á bakið á þér sem á stendur: "KICK ME" og festu hefti og bréfaklemmur í fötin þín. Haahahha.

Kannski sem betur fer leist Hinrik ekki á að fara með mig í þetta teiti í neinum af þessum búningum, og stakk því upp á að ég myndi bara fara sem prestur. Silla lánaði mér prestaskyrtuna sína með kraganum og ég setti á mig kross. Bara-bimm-bara-búmm. Tilbúin á mettíma (ef frá er talinn undirbúningstíminn.) Já, svona fór með hrekkjavöku þá!

Frettaskot

2005-10-26T09:01:00.000Z

Kom heim úr sveitasælunni í gær. Við fjölskyldan skelltum okkur á The Grove, sem er country estate hérna rétt fyrir utan London. Æðislegur staður. Ég fékk mér manicure, pedicure og facial í Seqouia Spa-inu. Eyddum nokkrum dögum í spa-inu, á veitingastöðunum, hjólandi um í skógunum, lékum okkur í risataflinu, fórum í billjard, pöntuðum roomservice.

Og eins og þetta litla mini break væri ekki nóg... ONei... ÉG ER AÐ KOMA TIL ÍSLANDS Á EFTIR!!!

Sjáumst?

Draugar fortiðar

2005-10-18T11:08:00.000Z

Það er sama hvað maður gerir, það sækir alltaf á mann aftur. Það er ekki einu sinni hægt að búa til litla saklausa heimasíðu þegar maður er í 8.bekk án þess að einhver einhversstaðar einhverntíman muni finna hana. Ég hef því ákveðið að deila þessu bara með ykkur strax; verið tilbúin fyrir aulahroll og bros út í annað (..eða jafnvel bæði eins og í mínu tilfelli..)

Draugur fortíðar

Og já, ég er ekki sú eina! Skoðiði þetta:

Anna

Tinna

Guðrún Björk

Sigrún

Vá.. voru allir svona miklir lúðar í 8. bekk???

Myndasida

2005-10-15T19:16:00.000Z

Ég hef fest kaup á stafrænni myndavél og sett upp myndasíðu. Hvort tveggja má skoða hér:

Myndasida

Car trouble

2005-10-12T13:15:00.000Z

Núna er ég búin að vera keyrandi í hva, sirka einn og hálfan mánuð, og ég er bara orðin ansi flink, þó ég segi sjálf frá (enda búin að vera keyrandi í ca 2 tíma á hverjum degi..) Nema hvað, á þessum eina og hálfa mánuði er ég búin að sprengja (já, SPRENGJA) 2 dekk!! Í fyrra skiptið var ég í Shepherd's bush roundaboutinu (sem er hringtorg með 5 akreinum) en náði sem betur fer að smeygja mér útí kant þar sem einhver útlendingur skipti um dekk hjá mér. Í seinna skiptið, í gær, sprakk dekkið fyrir utan heima hjá mér, þegar ég var að leggja í stæði, og þar sem ég var nýbúin að nota varadekkið var ekkert annað til ráða en að hringja í dráttarbíl og láta draga hann á verkstæði. Kaldhæðnin við þetta allt saman er þó sú að ég var nýkomin af dekkjaverkstæðinu þar sem ég ætlaði að láta skipta um þetta sama dekk og fá nýtt varadekk. Verkstæðið átti því miður ekki til einmitt þessi dekk þannig að ég neyddist til að fara heim aftur.. og þá sprakk auðvitað dekkið!

Jájá, maður er nett pirraður á þessu dekkjaveseni ;) En út í aðra sálma, hann Ómar Sigurvin var í heimsókn um helgina, og það var nú auðvitað rosalegt fjör! Ég sýndi honum eitt og annað hérna í London, og við fórum líka í leikhús á the Queen show, sem er magnaður söngleikur! Við tókum handritið af því og íslenskuðum það og settum á fjalirnar í austurbæ þegar ég var í FB þannig að þetta var í sirka 100 skipti sem ég "sá" þetta leikrit... en það kom þó ekki að sök, gaman að sjá atvinnumenn að verki!

Næst á dagskrá er heimsókn hennar Huldu minnar lillesöster, hún kemur núna á föstudaginn og fer á mánudaginn, maður verður víst að sýna henni eitthvað um borgina líka, það er bara spurning hvað hún vill sjá gæskan! Jæja, ég ætla ekki að hafa þetta mikið lengra núna, hafiði það gott, vinir og vandamenn nær og fjær.. sniff..

Ragga

Choir

2005-10-05T13:42:00.000Z

Önnur æfing Íslendingakórsins var í gær, og það var hörkufjör eins og við mátti búast! Ég gerði mér lítið fyrir og skellti mér í kórstjórn og við í stjórninni erum strax búin að ákveða fyrsta partýið... heima hjá mér!! Það var nú reyndar Silla sem stakk uppá því, ég veit ekki alveg hvort hún veit hvað koma skal! Allir koma með sitt eigið bús og svo verður gítar og hópsöngur og alles isländisch jawohl!! Við ætlum að hafa íslenskt partýsnakk og íslenska stuðmannatónlist á fóninum, þannig að maður fái íslandssæluna beint í æð!

Á morgun fæ ég gest í heimsókn, það er hann Ómar Sigurvin (klapp klapp) sem ætlar að bregða undir sig betri fætinum og skella sér til London! Tilgangur ferðarinnar er víst að kaupa hlustunarpípu fyrir læknanámið sitt, en ég held hann langi bara að kíkja aðeins í leikhús og versla aðeins ;) Já, það er gott að eiga vinkonu í útlöndum svo maður geti aðeins tekið sér pásu í amstri dagsins. Ég er búin að setja saman dagskrá fyrir okkur þannig að það fari ekki ein einasta mínúta til spillis!

Dagur 1
Fimmtudagur
Ómar kemur klukkan 21:10
Tour of the house
Pakkað uppúr töskum.
Breskt lostæti: Bragðsmökkun! (lesist: kvöldmatur)

Dagur 2
Föstudagur
Ég keyri strákana í leikskólann
Við Ómar förum í læknabúðina að kaupa hlustunarpípu
Hádegismatur uppí Notting Hill
Harrods
19:30 Við förum í leikhús á the Queen Show!

Dagur 3
Laugardagur
Hádegismatur uppí Notting Hill
Röltum á Portobello markaðinn
Röltum uppí Holland Park og skoðum þorsk-gullfiskana
Versla
Út að borða (Babes & Burgers??? Mmmm...)
Annaðhvort í óperuna eða út að dansa

Dagur 4
Sunnudagur
Lunch á South pacifico í covent garden og skoðað mannlífið
Versla
Ómar fer heim með kvöldvélinni.

---------------------------
Jáh, þetta er planið, Ómar, hljómar þetta ekki svoldið vel?? Og þið hin, hljómar þetta ekki skemmtilega?? Ég veit, ég veit, ég er pínuponsu control freak, en maður verður bara að nota tímann vel þegar maður er bara í 4 daga ferð!!!

Heimþra

2005-10-03T18:40:00.000Z

Ég vaknaði í morgun og það var kalt. Ekki nema 12°C. Fór í úlpu út í fyrsta sinn síðan ég var á Íslandi. Fann haustlyktina í loftinu og varð hugsað til Ísalandsins kæra. Laufin eru farin að tínast af trjánum, sá mann með öfuga ryksugu (leafblower) feykja laufunum í garð nágrannans. Þar fór nágrannakærleikurinn.

Skoðaði morgunblaðið á netinu í dag. Hverjir aðrir en Íslendingar hafa minningargreinar í blaði allra landsmanna? Engir. Skoðaði fasteignaauglýsingarnar. Ruslakompur á hverfisgötunni fyrir 50 milljónir. Kamrar í vesturbænum fyrir 40 milljónir. Meira ruglið.

Mig langar í flatkökur og harðfisk.

Likamsrækt

2005-09-28T20:01:00.000Z

Ég var í ræktinni í dag og augu mín voru beitt ofbeldi. Ég var að slaka á í gufunni eftir workoutið og þá kom inn kona og lagðist á bekk innni í gufunni. Þessi kona þjáðist af anorexíu á hæsta stigi, og það var bókstaflega hægt að telja rifbeinin í henni. Þið hafið eflaust flestöll séð einhverskonar hræðsluáróður gegn anorexíu; myndir af kinnfiskasognum konum með innfallna maga. Þessi kona var svoleiðis.

Mér finnst þetta svo sorglegt, og ég vorkenndi konunni svooo mikið! En nú spyr ég: Ætti ekki að banna fólki sem augljóslega á við vandamál að stríða og er á góðri leið með að drepa sig, að koma í líkamsræktarstöðvar?? Hvað finnst ykkur?

Mass

2005-09-25T13:40:00.000Z

Í dag vaknaði ég klukkan átta og fór uppí kirkju. Það var messa í morgun og ég er nýbyrjuð að aðstoða í "Junior Church" sem er eins og sunnudagaskólinn á Íslandi, þó með örlítið öðruvísi sniði. Ég á s.s. að sjá um eina messu í mánuði, svokallaða "All age service" þar sem hið hefðbundna sunnudagaskólastarf er lagt niður og börnin sitja í messunni allan tímann. Messan er fyrir vikið nokkuð léttari og líflegri og við reynum að halda athygli þeirra og leyfum þeim að taka þátt í messunni. Í dag gerðum við brúðuleikhús; ég ljáði brúðunni Priscillu líf og rödd og hún boðaði kærleiksboðskapinn til áhuasömu barnanna, og hlæjandi foreldra þeirra. Þessi litli leikþáttur var s.s. þannig að Priscilla var að tala við prestinn og börnin um Guð og Jesú og við presturinn höfðum á blaði okkar setningar svo að allt myndi ganga vel. Því miður var presturinn ekki svo mikið að fylgja handritinu (!) en ég náði naumlega að bjarga mér útúr því þegar hann spurði brúðuna beinna spurninga sem hvorki hún, né ég áttum von á! Haha. En þetta gekk allt saman vel, og ég fékk mikið hrós frá fullorðna fólkinu í messunni sem fannst brúðan bæði fyndin og skemmtileg. Haha.

Á eftir er ég að fara í fyrstu messu vetrarins hjá íslenska söfnuðinum, og á morgun er vígslan hennar Sillu þar sem biskupinn í London og biskup Íslands ásamt öðrum fyrirmennum munu koma og fagna henni inn í prestasamfélagið. Íslenski kórinn í London mun syngja í messunni, við Brynja erum einmitt nýgengnar til liðs við hann. Já, þrjár messur á 2 dögum, geri aðrir betur!

Klukk? Klikk? Hvað a þetta að þyða??

2005-09-22T20:31:00.000Z

Bloggleikur? Fimm staðreyndir? Eitthvað sem fólk veit ekki fyrir? Gott og vel, ég læt slag standa.

1. Annar fóturinn á mér er styttri en hinn.

2. Ég er ótrúlega hjátrúarfull.

3. Ég hlæ oft og dátt, en það sem margir vita ekki er að ég hlæ líka þegar ég er taugaóstyrk.

4. Ég var næstum því dáin í fæðingu, mér var bjargað með bráðakeisaraskurði.

5. Ég hallast oft að því að ég sé fædd undir heillastjörnu.

Jæja þá skora ég á Önnu, Evu, Tinnu, Brynju og Fanndísi að opna sig á almannavettvangi!

Komment helgarinnar

2005-09-18T11:07:00.000Z

Ég eyddi helginni hjá Brynju í Camden, við keyptum hvítvínsflösku, borðuðum súkkulaðihjúpuð jarðarber og horfðum á Sex and the City. Svo kíktum við auðvitað á dansiklúbb og pöbb. Þegar á leið kvöldið komu nokkur skemmtileg komment frá Bretunum...

Gaur með pikköpplínurnar á hreinu við Brynju: "I love your glasses"

Hommi: "Oh my gaaawd! You're such a fun dancer! Shake it baby!"

Einhver tónlistargúrú: "Really? Are you from Iceland? Reykjav'ik is like this music mecca isn't it? Bjork and Sigur Ros wow.. Have you heard of Mum and Leaves??" Hvort við höfðum. Við töldum upp öll íslensk bönd sem við höfðum nokkru sinni heyrt í og maðurinn tók þetta allt niður...

"Would you like chips with that?"

Einhver breti: "Is it true that you eat dried fish????" Ég: "Yes, usually with butter" "Euch..."

Gaur: "Hi are you okay?"
Ég:"Yes, why?"
Gaur: "Oh, it's just that I saw you when you fell over when you were dancing earlier"
Ég: "Hrumpf.. Yes you and every person in this bloody bar... I'm so ashamed.. Buy me a beer"

Ég keypti mér alvöru feld á markaðnum, brúnan Cape, voðalega flott. Fór svo út með Cape-ið á laugardeginum og allir voru að spyrja mig útí það.
Einhver: "Is this real fur"
Ég: "Yes. It's my cat" Hahah

Einhver: "What is this?"
Ég: "A polar bear from Iceland. I shot it in my garden, right outside my igloo" Hahah

Einhver: "Wow, soft fur. What is it?"
Ég: "A wild animal that only lives in Iceland. I don't think you have ever heard of it." Hahah

Og svo auðvitað línan mín, sem ég var að uppgötva að ég er búin að nota núna 5 sinnum, í óbreyttri mynd!!!
"So how many people live in Iceland?"
"Around 300.000"
"Wow, that's not a lot. I've never met anyone from Iceland before..."
"You should consider yourself lucky.. Since we are so few we're almost an endangered species" - þessari línu fylgir ótrúlega klént "how-you-doing" glott.
Oj ég er svo mikill plebbi...

TAXI DRIVER FROM HELL

2005-09-13T19:06:00.000Z

Venjulega keyri ég strákana í skólann á morgnana, en eldsnemma í morgun þurfti Silla að nota bílinn til að fara uppí kirkju. Ég fór þess vegna bara með þá í leigubíl. Leiðin tekur u.þ.b. 20 mínútur hvora leið í mikilli umferð, og á leiðinni heim, þegar ég var ein í bílnum með leigubílstjóranum, byrjaði hann að fitja upp á samræðum við mig. Ég hafði ekkert á móti því, enda var þetta ósköp ljúfur og krúttlegur eldri maður... eða svo hélt ég!

TAXI: So... are you their nanny?
Ég: Yes. Yes I am.
TAXI: Ahh.. I thought I had you figured out. Ya don't look like a mummy anyway... So you feed them and bathe them and all of that? Must be tiring, what with two boys on that age, (chuckle chuckle)
Ég: Oh sometimes, I rather enjoy it though... They are really sweet..
TAXI; Yeah, and if they aren't ya can always slap them with a stick!
(Ég hélt að hann væri að grínast... En honum var dauðans alvara) Ehhh.. hehe.. well no...
TAXI: Oh come on, don't tell me you don't give'em a shake from now to then, huh, a little spanking??
Ég: No, I don't. I don't believe in abusing children.
TAXI: It's a shame really. So many people think that way nowadays.
Ég: I don't think it's a shame. I think it's good that people are starting to think thatway. It is really bad for the child to be punished or disciplined with physical force.
TAXI: But it's so good for the parents!!
Ég: Ehhh... well I think those parents should find something different to feel good... (Hérna var ég í alvörunni að spá í að fara útúr leigubílnum þar sem við vorum...)
TAXI: Okay, so you wouldn't use a stick... Maybe a rock? A newspaper? Your hand? A baseball bat? Oh yes, a 3feet long baseball bat with a really nice grip on the handle...
Ég: No. I would never... Ehhh... No, just no... (Mér fannst þetta svo óraunverulegt samtal að ég bara vissi ekki einu sinni hvað ég ætti að segja!!)
TAXI: Well.. I think you should give it a thought anyway....
Ég: Right... No.

Sem betur fer vorum við næstum komin heim til mín, og restin af ferðinni var guði sé lof þögul. Ég skal sko lofa því að ég er ekki að ýkja þetta samtal og ég bætti engu við sem ekki var sagt, ég er búin að hugsa um þetta samtal í allan dag, og ég er ótrúlega sorgmædd yfir því að svona fólk sé til! Ég bara vona að þessi maður eigi engin börn.

Rolegur sunnudagur... eða hvað??

2005-09-12T08:59:00.000Z

Þar sem að það var sunnudagur í gær hefði mátt ætla að ég hefði tekið því rólega, slakað á eftir langa viku eða eitthvað álíka. Onei, í gær var afmælið hans Tuma, og það var heldur betur fjör.

Við vöknuðum klukkan hálfátta og ég fór með Sillu uppí St. Johns kirkjuna. Í gær var fyrsti dagurinn minn sem leiðbeinandi í sunnudagaskólanum! Ég var aðallega að fylgjast með í gær, en spjallaði líka aðeins við krakkana. Við sungum söngva og lékum okkur og vorum bara almennt í stuði með guði! Brynja kom með mér og við erum að spá í að mæta þarna nokkuð reglulega.. Haha.. ég veit að þið eigið erfitt með að ímynda ykkur mig og Brynju, sunday school teachers!

Eftir sunnudagaskólann fórum við fjölskyldan og Brynja út að borða á 202, sem er veitingastaður inni í Nicole Farhi búðinni í Notting Hill. Það var yndislegt, eins og venjulega. Eftir að hafa eytt alltof löngum tíma á 202, drifum við okkur heim og byrjuðum að sprauta kremi á kökuna. Það tók rúmlega klukkutíma og vorum við því enn að þegar foreldrarnir komu með börnin sín. Mömmurnar áttu ekki til orð yfir því að Silla hefði bakað og sprautað kökuna sjálf, enda hafa þessar konur þjóna til að reima skóna fyrir sig!

15 bresk börn á aldrinum 4-7 ára mættu, að sjálfsögðu stundvíslega, á slaginu 4. Börnin eru vön því að öll afmæli séu fyrirfram skipulögð þannig að hver einasta mínúta sé full af fjöri. Það er alltaf einhver trúður eða einhverskonar álfakona með vængi sem skemmtir þeim og sér til þess að allir hafi eitthvað fyrir stafni. Það var því heldur betur handagangur í öskjunni þegar þau mættu til okkar og áttuðu sig á því að það var engin skipulögð dagskrá í afmælisveislunni, þau mættu bara leika sér og hamast eins og þau vildu, því að það fá bresku börnin aldrei að gera. Til að þið getið ímyndað ykkur lætin og öskrin og grátinn og hlaupin þá skal ég segja ykkur eitt: Hoppukastalinn sprakk! Það voru sko ekki fleiri en sjö krakkar í honum og það kom risastórt gat á hann. Það þarf ansi mikinn kraft til þess...

-------------------------------------

Ég var að tala aðeins við einn strákinn í afmælinu, hann heitir Ryan og er 6 ára. Við áttum svolítið fyndnar samræður:

Ryan: So, did you have fun babysitting me yesterday?
Ég: Huh? I wasn't babysitting you yesterday. I have never babysat you..
Ryan: Yes you have. You were babysitting me yesterday. I remember.
Ég: Oh is that right. Well then you must know my name, if I was babysitting you? (Hérna hélt ég að hann myndi flaska og segja eitthvað Mary, eða Tina.)
Ryan: Of course I know your name. It's Agga.
Ég: Ehh.. no, it's Ragga... but... eeehh (hérna fannst mér þetta svoldið creepy því að engin af börnunum vissi hvað ég heiti)
Ryan: You came and babysat me yesterday when my mummy and daddy went out.
Ég: I'm Ivars and Tumis babysitter, I have never been babysitting you, I'm from Iceland like Ivar and Tumi!
Ryan: Are you sure?
Ég: Yes. Quite.
Ryan: Oh. Well, I was a bit confused, because your hair and your face is just like Agga's. That's funny.
Ég: Yes that's really funny (en ég hugsaði "that's really creepy...")

Þegar hér var komið í samræðunum var ég greinilega búin að vinna mér inn traust hans því að hann fór að tala um vinkonu sína, Helen sem er skotin í honum.

Ryan: Oh, if Helen comes in here tell her you don't know where I am. Okay?
Ég: Why? Aren't you two friends? Were you fighting?
Ryan: Yes we are friends, at least I thought so. But now she just wants to kiss me all the time, she's in love with me and I am not in love with her. Oh, I'm so confused! Why can't we just be friends??
Ég: Ehhh... (Mig langaði að segja honum að hann myndi glíma við þetta vandamál alla ævi, en áttaði mig svo á því að hann er bara 6 ára.) ...I don't know?

Ryan: Oh there is Helen, tell her I'm not here.
Helen kemur inn í herbergið og segir: Ryan I can see you behind that chair. Do you want to come play spiderman?
Ryan stekkur til hennar og segir með brosi á vör: Okay!

Já svona er æskan saklaus!

Buddhist evening at St. Johns

2005-09-09T13:12:00.000Z

Í gær fór ég á búddhistakvöld uppí Notting Hill kirkjunni (neinei, róleg ég er ekki orðin búddhisti). Þar voru tveir "novice" frá Laos að kynna búddamunkaskólann sinn og landið sitt. Ég fór með P.J. sem er kóreskur youth worker uppí kirkjunni, þannig að það var ansi fjölmenningarlegur blær á gærkvöldinu mínu.

Búddamunkarnir frá Laos byrjuðu á að sýna okkur myndir frá Laos, sem litu allar út fyrir að hafa verið teknar í kommúnista Kína fyrir 60 árum síðan. Eftir myndasýninguna buðu þeir áheyrendum fyrirlestrarins að bragða á ekta mat frá Laos. Það var stórt veisluborð drekkhlaðið af allskyns framandi réttum. Reglan var sú að maður átti að bragða á hverjum rétti, og þar sem ég fylgi reglunum hef ég ekki hugmynd um hvað ég setti inn fyrir varir mínar í gær! Að minnsta kosti bragðaðist allt mjög vel, fyrir utan eitthvað sem einn munkurinn kallaði "bitter aubergine paste". Keeeeiii. Svo var þarna stór skál með exótískum ávöxtum, loðnir, mjúkir, harðir, göddóttir og allt þar á milli. P.J. þekkti marga ávextina og tók að sér að fræða mig um þá. Það kom mér mikið á óvart hversu vel þeir brögðuðust, sérstaklega þessi með rauðu broddunum!

Ég talaði svolítið við annan búddhamunkinn og fræddist aðeins um líf hans. Þegar hann var 13 ára var hann sendur í klaustrið, og hann er búinn að vera þar í 6 ár, s.s. 19 ára í dag (samt náði hann mér bara upp að bringu, ég þurfti bókstaflega að beygja mig til að heyra í honum!!) Lífi hans er stjórnað af 10 boðorðum, og þar á meðal segir að þeir megi aðeins borða tvisvar á dag, klukkan 04:00 þegar þeir vakna og svo rétt fyrir hádegi. Þá verða þeir að bíða þangað til klukkan 04:00 daginn eftir. Þeir mega ekki snyrta sig á neinn hátt, ekki gera neitt til að gera sig aðlaðandi, þess vegna eru augabrúnir og hár rakað af. Þeir mega ekki stunda og ekki einu sinni hugsa um kynlíf með konum. Þegar hann var að útskýra þetta boðorð á fyrirlestrinum sagði hann svolítið fyndið, að þeir mættu ekki umgangast konur :"and not even touch them." Svo bætti hann við með brosi á vör: "But we can touch men!" Æji litla greyið ég held hann hafi ekki áttað sig á því hvernig þetta kom út. Allavega fóru allir í salnum að hlæja og hann var voðalega ánægður að hafa tekist svona vel upp.

Jæja, þetta kvöld var mjög fínt í alla staði, og P.J. var að stinga upp á að hafa korean night næst, og bað mig um að hjálpa sér. Ég sagðist gera það með glöðu geði, og þá fékk hann þá sniðugu hugmynd að við myndum hafa Ísland/Kórea - kynningu! Ég benti honum á að menningin okkar væri mjög ólík og það væri kannski ekkert svo sniðugt, en þá fór hann eitthvað að útskýra fyrir mér að stundum geta tveir mínusar verið plús, og tvennt ólíkt getur verið eitt og blablba já ég veit ekki, kannski verður bara íslenskt-kóreskt kvöld uppi í kirkjunni!!

Björk i Feneyjum

2005-09-07T01:20:00.000Z

Sky News er með smá umfjöllun um Kvikmyndahátíðina í Feneyjum á vefsíðu sinni. Ég var að fletta í gegnum myndirnar og skoða hvernig stjörnurnar væru að klæða sig þessa dagana. Hver haldiði að hafi verið stödd í Feneyjum, nema samlandi okkar allra hún Björk. Með öllum myndunum fylgja fyndnar athugasemdir, en mér fannst gagnrýnandinn ekki alveg vera í essinu sínu þegar hann var að gagnrýna hana Björk okkar, mér finnst hún nú bara virkilega hugguleg og sæt í þessu outfitti... En dæmi hver fyrir sig. Hvað finnst ykkur?? Kommentið!!

"Good grief... Bjork outdoes herself in this peach lampshade disaster thing - just wait for a close-up on those shoes though..."

"Oh, first of all you get to see her handbag. It's an owl of course."

"... (speechless)."

Ökuverkir

2005-09-06T15:37:00.000Z

Ég er búin að keyra svo mikið í London uppá síðkastið að ég er komin með ökuverk í hægri fótinn, þar sem hann svissar hratt á milli bensíngjafarinnar og bremsunnar. Annars verð ég að segja að þó að ég eeeeelski að keyra hérna, þá er þetta miklu meira mál heldur en á Íslandi. Það eru t.d. nánast engin bílastæði í borginni, og þó að þú finnir laust bílastæði þá þarftu að borga í stöðumæli, þrátt fyrir að þú þurfir bara að hlaupa inn í búð í 3 mínútur. Það eru stöðumælaverðir á hverju strái hérna, og 5 mínútur kosta 50krónur, og þetta er fljótt að komast upp í háar fjárhæðir þegar þú þarft að borga í stöðumæli á hverju stoppi.

17 febrúar 2003 var svokallað "Congestion Charge scheme" sett af stað í central London. Það virkar þannig að ef þú keyrir inní miðborgina þá þarftu að borga £5, og ef þú borgar þau ekki þá færðu £100 sekt. Myndavélar taka mynd af öllum númeraplötum sem koma inn á CC svæðið þannig að það er engin leið að sleppa við að borga. Þessar aðgerðir hafa verið mjög umdeildar og Ken Livingstone, borgarstjóri Lundúna, hefur verið harkalega gagnrýndur fyrir þetta "peningaplokk" eins og bretarnir segja. En engu að síður virðist þetta vera að virka, umferðin hefur minnkað og notkun almenningssamgangna hefur aukist, og ríkiskassinn hefur rakað til sín ófáum £5 seðlum í leiðinni.. Persónulega finnst mér þetta ágætis kerfi, finnst reyndar að íbúar svæðisins ættu að fá ókeypis, en eins og er fá þeir að keyra um fyrir utan blokkina sína með 90% afslætti. Ég var reyndar að lesa á netinu í dag að herra Livingstone sé að spá í að stækka Congestion Charge svæðið þannig að það nái til Kensington, Chelsea og Hammersmith, sem þýðir að ég myndi búa í Congestion Charge svæðinu. Geri mér ekki alveg grein fyrir því hvort það sé gott eða slæmt. Jæja, skiptir ekki héðan af, ég veit ekki hvort einhver hefur nennt að lesa þessa færslu til enda. Ef þú ert ennþá að lesa, þakka þér fyrir. Right. Goodnight!

Öfugu megin a veginum

2005-08-31T00:29:00.000Z

Í gær fór ég í fyrsta skipti út að aka í Bretlandi. Við Silla fórum fyrst saman út að keyra og lá leiðin uppí Marks&Spencer's á Notting Hill gate. Aksturinn gekk vel, þó að ég væri kannski heldur langt frá miðlínu... Ótrúlega skrýtið að vera ekki bara öfugu megin á veginum, heldur líka öfugu megin í bílnum, og vera komin með meter til vinstri við þig sem þú þarft að passa upp á að reka ekki utan í kyrrstæða bíla, nú eða bölvaða hjólreiðamennina sem eru hérna á hverju strái. Eftir kvöldmat fór ég svo ein út að keyra, og keyrði fyrst bara hérna upp og niður Holland Villas road en svo færðist mín í aukana og skellti sér bara í heimsókn til Brynju!

Það tekur u.þ.b. 20-30 mínútur að keyra til Brynju, bara eins og að fara úr breiðholtinu niður í bæ! Ég setti bara heimilisfangið hennar Brynju inní navigation systemið og þá leiðbeindi Röddin mér beinustu leið heim til hennar! Já mamma fáðu þér sæti og andaðu rólega, en ég fór inná M25 Motorway-inn!! Það gekk bara ágætlega, reyndar kom lögreglubíll fyrir aftan mig og kveikti á risastórum ljóskastara sem hann var með við hlið sírenunnar.. ég hélt hann vildi bara fá að sjá "licence and registration" eins og í amerísku bíómyndunum, en þegar ég gerði mig líklega til að stöðva útí vegarkanti, keyrði hann framhjá mér og vildi greinilega bara komast framúr. Jepp, þetta gekk vel, og mun vonandi ganga vel í framtíðinni!

Núna ætla ég að fara að skella mér útí garð með Brynju og börnunum, það er 29°hiti og glampandi sólskin. Pikknikk in the park!

London baby

2005-08-29T21:51:00.000Z

Við lentum á Heathrow klukkan átta að staðartíma og erum núna komin heim í kensington. Ferðalagið gekk vel, reyndar voru svolítið mikil læti í hreyflunum, svo mikil læti að ég heyrði ekki einu sinni 85 desíbela hroturnar í konunni við hliðina á mér! Kannski bara af hinu góða...

Ég ferðaðist létt, tók bara með mér handfarangur, en eitthvað feilaði það á heimleiðinni, taskan var skyndilega orðin úttroðin af allskyns glingri og drasli sem ég þurfti nauðsynlega að fjarlægja af heimili mínu í breiðholtinu. Og auðvitað spánýja ökuskírteinið mitt, úff hvað það var gott að fá það loksins í hendurnar. Ég er að spá í að rúnta kannski til Brynju í vikunni..

Það er ótrúlegt hvað allar samgöngur í svona stórborg taka lengri tíma en í litlu sætu Reykjavík. Sérstaklega eftir 7. júlí. Sala á reiðhjólum hefur rokið upp úr öllu valdi eftir hryðjuverkaárásirnar, samkvæmt BBC, auk þess neðanjarðarlestirnar og strætóarnir eru hálftómir miðað við það sem áður var. Það er því kærkomin ánægja að hafa ökuskírteinið í rassvasanum og geta bara skrifað destination í navigation kerfið og hlustað á ómþýða og róandi rödd konunnar sem vísar manni til vegar. Hún kemur með allskonar hjálplegar athugasemdir, þó aðallega: "Turn left 50 metres after the zebra-crossings" eða "Turn right.. in.. 30 metres". Ótrúlega fyndið. Svo ef maður keyrir nokkra aukahringi í hringtorgi verður hún alveg rugluð aumingja konan!

Heim i dalanna ro

2005-08-24T16:20:00.000Z

Í hádeginu á morgun mun ég stíga um borð í Icelandair Airbus 350 og halda heim á leið. Ég verð á Íslandi þangað til á mánudaginn eða þriðjudaginn held ég. Það verður gott að koma heim í 9°og rigningu. Ég held að fólk þurfi líka rigningu, svona smá monsoon tímabil. Mér finnst allavega rigningin góð.

Sjáumst á klakanum!

Leiksyning og heimsokn fra Interrailerum

2005-08-23T21:10:00.000Z

Auður og 2 vinkonur hennar, þær Hjördís og Bína (Rannveig), komu til London á mánudaginn síðasta. Ég skellti mér að hitta þær í gær og ég verð að segja að það er langt síðan ég hef skemmt mér svona konunglega vel.

Við byrjuðum á að fara eitthvað að versla á Regents street og Oxford street, og fórum svo í leikhús. Ákveðið hafði verið að sjá leiksýninguna "Guys and Dolls" með Ewan McGregor í aðalhlutverki. Reyndar höfðum við heyrt einhversstaðar að herra Ewan léki bara í fyrstu sýningunum og svo tæki einhver annar minna þekktur leikari við af honum. Við löbbuðum framhjá leikhúsinu í litlu verslunarferðinni og brugðum á leik við miðasöludömuna:

Ég (fyrir framan risastórt skilti með Ewan McGregor og áletruninni GUYS AND DOLLS): Excuse me, is mr McGregor playing in the show tonight?

Miðasöludama: Yeeeeeees?

Ég: Are you sure? He's definetaly playing in the show, also tonight??

Miðasöludama: Ehh.. As far as I know, yes he is.

Ég: Right. Thanks.

Mér leið hálfkjánalega, en við fengum það allavega staðfest að hinn háæruverðugi Ewan myndi standa frammi fyrir okkur á sviðinu það kvöld. Og kvöldið kom, og kvöldið fór. En ó, hversu yndislegir 3 tímar! Þessi sýning var hreint og beint stórkostleg, og lögin framúrskarandi (Lalalala... Marry the man today, change his ways tomorrow!) Við keyptum okkur allar glimmerboli með áletruninni GUYS AND DOLLS, og svo biðum við í hálftíma fyrir utan "Stage Door" og biðum eftir eiginhandaráritun... Við vorum heppnar og fengum mynd af okkur með aðalleikkonunni og áritun frá henni og annarri sem lék Elaine í Ally McBeal. En samkvæmt einum hobo sem labbaði framhjá okkur stökk herra Ewan beint upp á mótorhjólið sitt og brunaði heim eftir leiksýninguna. Við þökkuðum útigangsmanninum fyrir þessar upplýsingar og kíktum á barinn á hosteli stelpnanna. Það var rosalega skemmtilegt, og við kynntumst mörgu, reyndar misskemmtilegu, fólki.

Í dag hitti ég svo stelpurnar uppi á Holland park station og við löbbuðum í gegnum Notting Hill og fórum á portobello markaðinn. Ég lék leiðsögumann og sýndi þeim "places and sights of interest." Kaffihúsið þar sem við Brynja hittum Colin Firth (good fuuuuun), heimilislausu hundakonuna með flautuna fyrir utan Tesco, Notting Hill kirkjuna, garðinn sem Julia Roberts og Hugh Grant klifruðu inní í leyfisleysi í myndinni Notting Hill, ekta rauðan enskan póstkassa og símaklefa... bara svona the usual... Eftir göngutúrinn komum við svo hingað heim til mín og elduðum indverskan mat, borðuðum kókosköku og horfðum á Sex and the City. Æðislegur dagur. Takk fyrir mig.

Heimkoma

2005-08-20T02:05:00.000Z

Við fjölskyldan komum heim frá Spáni klukkan ellefu í gærkvöldi. Við vorum í Sitges, rétt sunnan við Barcelona. Í alla þá 5 daga sem við vorum þar, var 2x rigning, 1x þrumuveður, 5x skýjað og kannski 2x sól. Maður verður samt líka brúnn í skýjuðu þannig að við lágum á sólbekkjunum með von í hjarta og Xtra-Tan á kroppi. Árangurinn var sæmilegur. Ég skapaði allavega ágætis mótvægi við drifhvít sængurfötin þegar ég vaknaði í morgun. Ó hvað það var gott að vakna í kunnuglegu rúmi með mjúkan kodda og kúrulega sæng, (bless bless naglabretti og lak!).

Í dag er víst laugardagur þannig að ég er að spá í að taka mér göngutúr upp á portobello markaðinn og sjá hvað þeir eru með bitastætt í dag. Best að taka regnhlífina með sér, skýin og rigningin hafa elt okkur frá Spáni. Legoland á morgun (í annað skipti í viku) og ökuskírteini á fimmtudaginn!! Þá fæ ég víst loksins að taka í Toyotuna.

Ég get með engu móti lýst ánægju minni yfir að vera komin aftur heim í siðmenninguna. Ég elska London.

Bílpróf

2005-08-11T12:44:00.000Z

Ég er svo glöð í hjartanu mínu núna að öll þessi hamingja fer bráðum að leka út um eyrun á mér!

Ég tók verklega bílprófið mitt klukkan ellefu í morgun og náði því með glæsibrag, eftir 3 ára nám.. með hléum. Fyndið hvað maður getur verið stressaður yfir einhverju sem virðist svo lítilvægt þegar maður lítur um öxl.

Ég fer til London á morgun, fæ þó ekki að keyra í London fyrr en eftir einhverjar vikur.. Það þarf víst að senda umsóknina mína til Þýskalands, þar sem ökuskírteinið er búið til, og senda svo tilbúið ökuskírteinið til Íslands, þar sem móðir mín sækir það og sendir skírteinið til London með FedEx. Úff.

Ragnheiður

Ný síða.. og nýtt nafn!

2005-08-09T02:52:00.000Z

Mér hefur alltaf fundist blogger.com vera einstaklega fágað og viðmótsþýtt kerfi og því hef ég ákveðið að skipta hingað yfir. Í takt við útlit síðunnar mun innihaldið vonandi einnig verða fágað og ljúfara en eldri bloggsíðan mín sem var hýst á blog.central.is, www.blog.central.is/raggarusina

Ég átti í þónokkrum vandræðum með að skíra þetta blogg, bæði vegna þess að u.þ.b. 20 nafnasamsetningar sem ég prófaði voru uppteknar, t.d. Ragnheiður-Lilja og Ragnheiður_Lilja!! Hver annar heitir Ragnheiður Lilja, fyrir utan 3 ára stelpuna sem ég hitti einu sinni í IKEA?? Varla er hún byrjuð að blogga?? Á endanum ákvað ég að nefna bloggið mitt einhverskonar nafni sem ómögulegt væri að einhver annar væri með. Og þar sem ég er núna búsett erlendis og held traustataki í rætur mínar (sem eru rækilega fastar í íslenskri jörð) hef ég útvegað mér nýtt föðurnafn; Óladóttir er svo óldskúl eitthvað, núna er ég Íslandsdóttir. Ég er búin að fá mér nýtt vegabréf og allt. Aumingja pabbi er eyðilagður.